సుధీర్‌బాబు, సోనాక్షి సిన్హా ప్రధాన పాత్రల్లో నటిస్తున్న మైథలాజికల్ థ్రిల్లర్ ‘జటాధర’. ఈ పాన్-ఇండియా ద్విభాషా చిత్రానికి వెంకట్ కళ్యాణ్, అభిషేక్ జైస్వాల్ దర్శకత్వం వహించారు. జీ స్టూడియోస్, ప్రేరణ అరోరా సమర్పిస్తున్న ఈ చిత్రాన్ని ఉమేశ్‌కుమార్ బన్సల్, శివిన్ నారంగ్, అరుణ అగర్వాల్, ప్రేరణ అరోరా, శిల్పా సింగ్‌హల్, నిఖిల్ నందా నిర్మించారు. ఈ చిత్రంలో శిల్పా శిరోధ్కర్ కీలక పాత్ర పోషించారు. నవంబర్ 7న హిందీ, తెలుగు భాషల్లో విడుదల కానున్న సందర్భంగా నిర్మాత ప్రేరణ అరోరా విలేకరులతో సినిమా విశేషాలను పంచుకున్నారు.

‘జటాధర’ జర్నీ ఎలా మొదలైంది?

తెలుగులో సినిమా చేయాలనేది ఎప్పటినుంచో నా కల. తెలుగు సినిమా, తెలుగు సంస్కృతి అంటే చాలా ఇష్టం. నేను హిందీలో సినిమాలో చేస్తున్నప్పటికీ తెలుగు సినిమాను స్ఫూర్తిగా తీసుకుంటాను. రామ్‌చరణ్ ‘ఆరెంజ్’ సినిమా చూశాను. అప్పట్నుంచి నాకు తెలుగు సినిమా పట్ల చాలా పాషన్ వచ్చింది. తెలుగు సినిమాలు చాలా అద్భుతంగా కమర్షియల్, మాస్,  హ్యాపీ, ఫ్యామిలీ అన్ని ఎమోషన్స్‌తో వస్తుంటాయి. తెలుగు ఇండస్ట్రీ ఇండియన్ సినిమాకు చాలా గొప్ప చిత్రాలను అందించింది. ఐశ్వర్య రజనీకాంత్‌తో నేను ఒక సాంగ్‌కి వర్క్ చేశాను. సౌత్‌లో అది నా ఫస్ట్ ఎక్స్‌పీరియన్స్. తర్వాత సుధీర్‌బాబు ద్వారా వెంకట్ అభిషేక్‌ను కలిశాను. అప్పుడు ‘జటాధర’ కథ చెప్పారు. నాకు చాలా నచ్చింది. అలా ఈ సినిమా జర్నీ మొదలైంది. ‘-జటాధర’లో ఫ్యామిలీ, ఎమోషన్స్, సూపర్ నేచురల్, మైథలాజికల్ అన్ని ఎలిమెంట్స్ అద్భుతంగా బ్లెండ్ అయ్యాయి. ఇది పాన్ ఇండియా కంటెంట్. అందుకే హిందీలో కూడా ఈ సినిమాని చేయాలనుకున్నాం. సినిమా విజువల్‌గా గ్రేట్ ఎక్స్‌పీరియన్స్ ఇస్తుంది.  

సుధీర్ సుధీర్‌బాబుతో కలిసి పనిచేయడం ఎలా అనిపించింది?

-సుధీర్‌బాబు అంటే నాకు చాలా అభిమానం. ఆయన సినిమాలు చూస్తుంటా. నేను తెలుగులో తొలి సినిమా ఆయనతో చేయడం చాలా ఆనందాన్నిచ్చింది. ఆయన చాలా కష్టపడి పనిచేశారు. ఇందులో చాలా చాలెంజింగ్‌గా అనిపించే సీక్వెన్స్ ఉన్నాయి. అవన్నీ కూడా చాలా సవాలుగా పాషన్‌తో చేశారు. ఇందులో ఆయన నటన ప్రేక్షకులకు గుర్తుండిపోతుంది.

ఈ కథ విన్నప్పుడు సోనాక్షి సిన్హా స్పందన ఏంటి? 

-ఈ సినిమా కథ విన్నప్పుడే దీన్ని హిందీలో కూడా చేయాలని నిర్ణయించుకున్నా. సోనాక్షి సిన్హా నాకు ముందే తెలుసు. ఆమె అద్భుతమైన నటి. ధన పిశాచి క్యారెక్టర్‌కు సోనాక్షి పర్ఫెక్ట్. చాలా మెమొరబుల్ క్యారెక్టర్ అవుతుంది. ఈ పాత్ర థియేటర్‌లో ప్రేక్షకులకు తప్పకుండా గొప్ప అనుభూతినిస్తుంది. -సోనాక్షి ఈ సినిమా కోసం చాలా బరువైన ఆభరణాలు వేసుకున్నారు. షూటింగ్ ముందు చాలా ప్రిపరేషన్ ఉండేది. సుధీర్‌బాబుతో సోనాక్షికి చాలా హెవీ యాక్షన్ సీక్వెన్స్ ఉన్నాయి. అవన్నీ ప్రేక్షకులను అలరిస్తాయి. 

కథలో అనంత పద్మనాభస్వామి ఆలయానికి సంబంధించిన స్ఫూర్తి ఉందా?

మైథలాజికల్ స్ఫూర్తితో రాసుకున్న కథ ఇది. అనంత పద్మనాభ స్వామి దేవాలయంలో నాగబంధం గురించి తెలిసే ఉంటుంది. నేను పురాణాలను చదువుతాను. శ్రీవేంకటేశ్వర స్వామి నాకు ఇష్ట దైవం. పద్మనాభ స్వామి టెంపుల్ ఇన్‌స్పిరేషన్ ఇందులో ఉంటుంది. ఈ సినిమాలో డివైన్ ఎలిమెంట్స్ బ్లాక్ మ్యాజిక్ లాంటి ఎక్సైటింగ్ ఎలిమెంట్స్ ఉన్నాయి.

వీఎఫ్‌ఎక్స్, సీజీ వర్క్ గురించి వివరిస్తారా..?   

ఈ సినిమాల్లో 60 శాతం లైవ్ విజువల్స్ ఉంటాయి. కథకు అవసరమైనంత మేరకు 40 శాతం వీఎఫ్‌ఎక్స్ వర్క్ ఉంటుంది. సీజీ చాలా నేచురల్‌గా వచ్చింది. ఆడియన్స్ చాలా నేచురల్‌గా ఫీల్ అవుతారు. 

శిల్పా శిరోద్కర్ పాత్ర ఎలా ఉండబోతోంది..?

-శిల్పా శిరోద్కర్ బిగ్‌బాస్‌లోకివెళ్లే సమయంలో కలిశాను. బిగ్‌బాస్ నుంచి బయటకు వచ్చిన తర్వాత ఈ క్యారెక్టర్ గురించి చెప్పాను. తన పెర్ఫార్మన్స్ ఈ సినిమాలో చాలా స్పెషల్‌గా ఉండబోతుంది. ఆ క్యారెక్టర్‌లో చాలా ఎమోషన్స్ ఉంటాయి. 

‘జటాధర’కు పార్ట్ 2 ఉంటుందా..?

-కచ్చితంగా. సీక్వెల్‌లా.. ఫ్రీక్వెలా అని చెప్పలేం కానీ, ఈ సినిమాకు కొనసాగింపుగా ఇంకో సినిమా అయితే ఉంటుంది. -మేము మరో తెలుగు సినిమా కూడా చేయబోతున్నాం. అది పెద్ద హీరోతో చేస్తున్నాం. త్వరలోనే ఆ వివరాలు తెలియజేస్తాం. జీ స్టూడియోస్ మాకు చాలా మంచి కొలాబరేషన్ ఉంది. నేను చేసిన ‘రుస్తుం’ నుంచి ఇప్పటివరకు మా జర్నీ చాలా సక్సెస్‌ఫుల్‌గా సాగుతోంది. ఫ్యూచర్‌లో తెలుగు నిర్మాణ సంస్థలతో కూడా కలిసి సినిమాలు చేయాలని భావిస్తున్నాం.