మెడినోవాలో అరుదైన శస్త్ర చికిత్స

మేడ్చల్ అర్బన్, నవంబర్ 21(విజయ క్రాంతి): మేడ్చల్ లో మెడిసిటీ ఇన్స్టిట్యూట్ ఆఫ్ మెడికల్ సెన్సైస్ ఆధ్వర్యంలో నిర్వహిస్తున్న మెడినోవా ఆసుపత్రిలో ఒక మహిళకు గుండెకు సంబంధించి అరుదైన శస్త్ర చేశారు. వరంగల్ కు చెందిన ఒక మహిళ మానసిక ఆరోగ్యంతో పాటు గుండె సంబంధిత వ్యాధితో బాధపడుతుండడంతో స్థానిక వైద్యులు హైదరాబాద్ తీసుకెళ్లాలని సూచించారు.

బంధువులు ఆ మహిళను మేడ్చల్ లోని మెడినోవ సూపర్ స్పెషాలిటీ ఆసుపత్రిలో చేర్పించారు. డాక్టర్ జగదీశ్ రెడ్డి మహిళకు పుట్టినప్పటి నుండి గుండెలో రంద్రం ఉన్నట్లు గుర్తించారు. మహిళ మానసిక స్థితిని దృష్టిలో పెట్టుకొని కార్డియాలజీ వైద్య నిపుణులు అత్యాధునిక ఐమేజింగ్ క్యాథటర్ ఆధారిత సాంకేతిక పరిజ్ఞానాన్ని వినియోగించుకొని గుండెలో ఉన్న రంద్రాన్ని మూసివేశారు.