బీజీపీ నాయకుల డిమాండ్, నిరసన

యాచారం, జూలై 24 (విజయక్రాంతి): అర్హులందరికీ రేషన్‌కార్డులు ఇవ్వాలని కోరుతూ బీజేపీ యాచారం మండలాధ్యక్షుడు తాండ్ర రవీందర్ ఆధ్వర్యంలో మంగళవారం తహసీల్దార్ కార్యాలయం ఎదుట నిరసన చేపట్టారు. అనంతరం తహసీల్దార్‌కు వినతిపత్రాన్ని అందజేశారు. బీజేపీ రంగారెడ్డి జిల్లా అధ్యక్షుడు బొక్క నర్సింహ్మరెడ్డి, కిసాన్ మోర్చా ప్రధాన కార్యదర్శి మర్రిపల్లి అంజయ్య మాట్లాడుతూ.. అసెంబ్లీ సమావేశాల్లో రేషన్ కార్డుల పంపణీపై స్పష్టమైన హామీ ఇవ్వాలన్నారు. ప్రభుత్వ పథకాలకు రేషన్‌కార్టే ప్రామాణికమని చెబుతున్న ప్రభుత్వ పెద్దలు.. వాటిని ఇవ్వకుండా ప్రజలను మోసం చేస్తున్నారని మండిపడ్డారు. ఈ కార్యక్రమంలో నాయ కులు నాగిని యాదయ్య, గొల్లపల్లి జంగయ్యగౌడ్, కుమ్మరి గూడెం పురుషోత్తం, గొగికర్ రమేష్, రాయకంటి విజన్‌కుమార్, బూర యాదయ్య, గొల్లపల్లి శ్రీధర్‌గౌడ్, పగడాల శ్రీశైలం, నడికుడి కృష్ణ, పత్తిరాజు పాల్గొన్నారు.