అమీన్‌పూర్‌లో రెవెన్యూ, హైడ్రా సర్వే

పటాన్‌చెరు, సెప్టెంబర్ 25: అమీన్‌పూర్ మున్సిపల్ పరిధిలోని ప్రభుత్వ భూముల ఆక్రమణలపై హైడ్రా దూకుడు పెంచింది. ఇప్పటికే మున్సిపల్ పరిధిలోని ప్రభుత్వ భూములను ఆక్రమించిన చేపట్టిన నిర్మాణాలసై కొరడా ఝుళిపించిన హైడ్రా అధికారులు బుధవారం మున్సిపాలిటీ పరిధిలోని సర్వే నెంబర్ 152, 153లో సర్వే చేపట్టారు.

ఓ నిర్మాణ సంస్థ వెంకటరమణకాలనీ హుడా లే ఔట్‌కు సంబంధించిన ప్లాట్లతో పాటు పార్కు స్థలాన్ని కబ్జా చేసి అపార్ట్‌మెంట్ నిర్మిస్తున్నదంటూ కాలనీవాసులు ఫిర్యాదు చేసిన నేపథ్యంలో ఇటీవల హైడ్రా కమిషనర్ రంగనాథ్ సదరు స్థలాన్ని పరిశీలించారు. కమిషనర్ ఆదేశాల మేరకు ప్రస్తుతం సర్వే జరుగుతోంది. నివేదిక తర్వాత ఇక కూల్చివేతలు ప్రారంభమవుతాయని తెలుస్తున్నది.