సంగారెడ్డి (విజయక్రాంతి): సూర్యాపేటలో 28, 29, 30 తేదీలలో నిర్వహించిన తెలంగాణ కల్లు గీత కార్మిక సంఘం రాష్ట్ర 4వ మహాసభల్లో, రాష్ట్ర కార్యదర్శిగా ఎస్‌. రమేష్ గౌడ్ ఎన్నుకోవడం జరిగింది. గత 25 సంవత్సరాలుగా సంఘంలో సేవలందిస్తున్న తమను మరోసారి రాష్ట్ర కార్యదర్శిగా ఎన్నుకోవడం సంఘ రాష్ట్ర కమిటీ తమపై ఉంచిన విశ్వాసానికి నిదర్శనమని రమేష్ గౌడ్ చెప్పారు. ఈ సందర్భంగా రమేష్ గౌడ్ మాట్లాడుతూ, మమ్మల్ని తిరిగి రెండోసారి రాష్ట్ర కార్యదర్శి బాధ్యతలకు ఎన్నుకున్నందుకు రాష్ట్ర కమిటీకి హృదయపూర్వక ధన్యవాదాలు తెలిపారు. కల్లు గీతోటి రక్షణ, గీత కార్మికుల ఉపాధి, గౌడ కులస్తుల సంక్షేమం కోసం కట్టుబడి పనిచేస్తాం. మాపై పెట్టిన నమ్మకాన్ని వమ్ము చేయకుండా సంఘ అభివృద్ధి కోసం నిరంతరం కృషి చేస్తాము అని పేర్కొన్నారు. అలాగే సంగారెడ్డి జిల్లాకు చెందిన మరో ముగ్గురు నాయకులు ఎన్.ఆశన్న గౌడ్, జి.జంగన్న గౌడ్, ఎ.అంజా గౌడ్ రాష్ట్ర కమిటీ సభ్యులుగా ఎన్నికయ్యారని రమేష్ గౌడ్ తెలిపారు.