ఎల్బీనగర్: నాగోల్ డివిజన్ బండ్లగూడలోని యెగ్గె మల్లేశం గార్డెన్‌లో ఆదివారం గురుస్వామి పల్లె మహేశ్ గౌడ్ ఆధ్వర్యంలో టేకుమట్ల మురళి గురుస్వామి నిర్వహణలో అయ్యప్ప స్వామి 18వ మహా పడిపూజ మహోత్సవం నిర్వహించారు. అయ్యప్ప స్వాములు, భక్తులు, మహిళలు పెద్దఎత్తున తరలివచ్చారు. “స్వామియే శరణం అయ్యప్ప - శరణం శరణం అయ్యప్ప” మంత్రోచ్ఛారణలతో భక్తి వాతావరణం అలుముకున్నాయి.  కార్యక్రమానికి పలువురు గురుస్వాములు, అయ్యప్ప భక్తులు విచ్చేసి ప్రత్యేక పూజల్లో పాల్గొన్నారు. గణపతి పూజ, పుష్పాభిషేకం తదితర కార్యక్రమాలను సంప్రదాయబద్ధంగా నిర్వహించారు. అనంతరం భక్తులకు అన్నప్రసాదం ఏర్పాటు చేశారు. పూజా కార్యక్రమంలో స్థానికులు, అయ్యప్ప భక్తులు పాల్గొన్నారు.