ముంబై: మహారాష్ట్ర కొత్త డైరెక్టర్ జనరల్ ఆఫ్ పోలీస్‌గా సంజయ్ కుమార్ వర్మను నియమిస్తూ భారత ఎన్నికల సంఘం మంగళవారం ఉత్తర్వులు జారీ చేసింది. 1990-బ్యాచ్ ఐపీఎస్ అధికారి అయిన సంజయ్ కుమార్ వర్మ ప్రస్తుతం మహారాష్ట్ర పోలీస్‌లో డైరెక్టర్ జనరల్ (లీగల్ అండ్ టెక్నికల్)గా ఉన్నారు. ప్రతిపక్ష మహా వికాస్ అఘాడి నుండి వచ్చిన వరుస ఫిర్యాదుల నేపథ్యంలో ఎన్నికల సంఘం డిజిపిగా ఉన్న రష్మీ శుక్లాను తొలగించిన ఒక రోజు తర్వాత మహారాష్ట్ర పోలీస్ హెడ్‌గా వర్మ నియామకం జరిగింది. వర్మ ఏప్రిల్ 2028 వరకు సర్వీసులో కొనసాగుతారు. చీఫ్ సెక్రటరీ సుజాతా సౌనిక్ ఈసీకి పంపిన ముగ్గురి పేర్లలో వర్మ, ముంబై పోలీస్ కమిషనర్ వివేక్ ఫన్సాల్కర్, నేషనల్ ఇన్వెస్టిగేషన్ ఏజెన్సీ చీఫ్ సదానంద్ డేట్ ఉన్నారు.