1. ఇవి మొదటి విడత పంచాయతీ ఎన్నికల నామినేషన్లు
2. అత్యధికంగా సూర్యాపేటలో 1,387, అత్యల్పంగా ములుగులో 220 దాఖలు
3. వార్డులకు ఎక్కువగా రంగారెడ్డిలో 4,540, తక్కువగా ములుగులో 967
4. ఈ నెల 3 వరకు నామినేషన్ల ఉపసంహరణకు అవకాశం

హైదరాబాద్, నవంబర్ 30 (విజయక్రాంతి) :  రాష్ర్ట వ్యాప్తంగా మొదటి విడత లో సర్పంచ్ పదవి కోసం 25,654, వార్డు స్థానాలకు 82,276 నామినేషన్లు దాఖలయ్యాయి. సర్పంచ్ స్థానాలకు అత్యధికంగా సూర్యాపేట జిల్లాలో 1,387, అత్యల్పంగా ములుగు జిల్లాలో 220 దరఖాస్తులు వచ్చా యి. అదే వార్డులకు సంబంధించి ఎక్కువగా రంగారెడ్డి జిల్లాలో 4,540, తక్కువగా ము లుగు జిల్లాలో 967 నామినేషన్లు వచ్చాయి. 

  రాష్ర్టంలో 189 మండలాల్లోని 4,236 పంచాయతీలు, 37,440 వార్డులకు సంబంధించి దాఖలైన నామినేషన్ల వివరాలను ఎన్నికల సంఘం అధికారులు తాజాగా వెల్లడించారు.  తెలంగాణలో పంచాయతీ ఎన్నిక లకు సంబంధించిన మొదటి విడత నామి నేషన్ల పర్వం ముగిసిన విషయం తెలిసిందే. తొలి దశ పంచాయతీ ఎన్నికలకు సంబంధించిన నామినేషన్ల ప్రక్రియ శనివారం రాత్రి వరకు కొనసాగింది. చివరి రోజు భారీ సంఖ్యలో నామినేషన్లు దాఖలు అయ్యాయి.

ఎన్నికల సంఘం అధికారులు తెలిపిన వివరాల ప్రకారం.. రాష్ర్టవ్యాప్తంగా మొదటి విడ తలో సర్పంచ్ పదవి కోసం 25,654, వార్డు స్థానాలకు 82,276 నామినేషన్లు నమోదయ్యాయి. సర్పంచ్ పదవికి అత్యధికంగా సూర్యాపేట జిల్లాలో 1387 నామినేషన్లు వచ్చాయి. ఈ జిల్లాలో తొలి దశలో మొత్తం 159 గ్రామ పంచాయతీలకు ఎన్నికలు నిర్వహించబోతుండగా చివరి రోజున 1,021 నామినేషన్లు దాఖలైనట్లు అధికారులు తెలిపారు.

ఆ తర్వాత అత్యధిక నామినేషన్లు దాఖలైన రెండో జిల్లాగా వికారాబాద్ నిలిచింది. ఈ జిల్లాలో 262 గ్రామ పంచాయ తీలకు పోలింగ్ నిర్వహించబోతుండగా 1,383 నామినేషన్లు దాఖలయ్యాయి. ఆ త ర్వాత మహబూబాబాద్‌లో155 జీపీలకు 1,239, ఆ తర్వాత కామారెడ్డి జిల్లాలో 167 జీపీలకు 1,224 నామినేషన్లు, ఆ తర్వాత రం గారెడ్డి జిల్లాలో 174 జీపీలకు 1,169 దాఖ లు అయ్యాయి. ఇక అత్యల్పంగా ములు గు జిల్లాలో 48 జీపీలకు 220 నామినేషన్లే వచ్చాయి.

 వార్డు స్థానాలకు సంబంధించి తొలిదశలో మొత్తం 37,440 వార్డులకు ఎన్నికలు నిర్వహించబోతున్నారు. ఇందులో భాగంగా అత్యధిక నామినేషన్లు రంగారెడ్డి జిల్లాలో దాఖలయ్యాయి. ఈ జిల్లాలో 1,530 వార్డులకు 4,540 నామినేషన్లు దాఖలయ్యాయి. ఆ తర్వాత వికారాబాద్‌లో 2,198 వార్డులకు 4,379, ఖమ్మం జిల్లాలో 1,740 వార్డులకు 4041, కామారెడ్డి జిల్లాలో 152 వార్డులకు 3,832, సూర్యాపేట జిల్లాలో 1,442 వార్డులకు 3,791 నామినేషన్లు వేశారు.

దీంతో పాటు అత్యల్పంగా ములుగులో 420 వార్డు స్థానాలకు 967 నామినేషన్లు వచ్చాయని అధికారులు వెల్లడించారు. చివరి రోజున సర్పంచ్ స్థానాలకు రాష్ర్టవ్యాప్తంగా 17, 940, వార్డు స్థానాలకు 70,596 నామినేష న్లు దాఖలయ్యాయి. నామినేషన్ల ఉపసంహరణకు వచ్చే డిసెంబర్ 3వ తేదీ వరకు తుది గడువు ఉంది. తొలి దశ పోలింగ్ డిసెంబర్ 11న, అదే రోజు ఫలితాలను ప్రకటిస్తారు.