- గర్భంలోనే పిండాన్ని నలిమేసి,సొమ్ము చేసుకుంటున్న ఆర్‌ఎంపీలు

- స్కానింగ్ సెంటర్ నిర్వాహకుడు చెప్పింది ఆడ, అని అబార్షన్ లో మగ, అని తేలితే స్కానింగ్ సెంటర్ నిర్వాహకుడితో అదనపు డబ్బులకు ఆశపడి సంపాదిస్తున్న ఆర్‌ఎంపీలు

మరిపెడ, నవంబర్ 30 (విజయక్రాంతి)మహబూబాబాద్ జిల్లా మరిపెడ మండలం కేంద్రంలో చదువు చారెడు వైద్యం బోలేడు.. మూడు సిరంజీలు ఆరు అబార్షన్లుగా సాగుతోంది. వీరు కేవలం ప్రధమ చికిత్స మాత్రమే చేయాల్సి ఉంటుంది. వీరి వద్ద కేవలం ప్రధమ చికిత్సకు సంబంధించిన మందులు మాత్రమే ఉండాలి. కానీ వీరి వద్ద మోతాదుకు మించి యాంటీబయాటిక్ స్టెరాయిడ్ అబార్షన్లకు సంబంధించిన మం దులు కట్టలు కట్టలుగా ఉంటున్నాయంటే అతిశయోక్తి కాదు.

మరిపెడ మండలంలో గిరిజన ప్రాబల్యం ఎక్కువగా ఉన్న మండల కేంద్రంలో అమాయక గిరిజన ప్రజలను ఆసరాగా చేసుకుని అధిక డబ్బులకు ఆశపడి చిన్న చిన్న వైద్యానికి జిల్లా కేంద్రాలలో ఉన్నటువంటి సూపర్ స్పెషాలిటీ ఆసుపత్రులకు అనుసంధానం చేసుకొని వీరిని ఇక్కడి నుండి అక్కడికి పంపించి, ఆసుపత్రి యాజమాన్యానికి సగం డబ్బులు ఆర్‌ఎంపీ డాక్టర్ కు సగం డబ్బులు తీసుకుంటూ కంటికి కనపడకుండా దోచుకొని సూపర్ స్పెషాలిటీ ఆసుపత్రి స్థాయిలో మరిపెడ బంగ్లా లోనే వైద్యమును చేస్తున్నారు.

అంతేకాకుండా లింగ నిర్ధారణ పరీక్షలు చేపిస్తూ బ్రూణ హత్యలకు పాల్పడుతున్నారు. లింగ నిర్ధారణ పరీక్ష నిర్వాహకుడితో మొదటగానే ఫీజు మాట్లాడుకుని మరిపెడ మండల కేంద్రం నుండి ఖమ్మం, కూసుమంచి నెక్కొండ ,మహబూబాబాద్, సూర్యాపేట, లేదా జిల్లా కేంద్రాలకు తీసుకెళ్లి.ఒకవేళ గర్భంలో ఉన్నది ఆడపిల్ల అని తేలితే ఆ అబార్షన్ చేయడానికి మరొక ఫీజు మాట్లాడుకుని వీరి ఇరువురు కలిసి వారి అమాయకత్వాన్ని సొమ్ము చేసుకుంటున్నారు.

ఇదంతా ఒక ఎత్తుతై ఒకవేళ స్కానింగ్ సెంటర్ నిర్వాహకుడు మొదటగా చెప్పిన విధంగా గర్భంలో ఉన్నటువంటి పిండం పాపగా చెప్పి ఒకవేళ అబార్షన్ చేసే సమయంలో మగ శిశువుగా ఉంటే వారు స్కానింగ్ సెంటర్ నిర్వాహకుడితో మళ్లీ పిండాలపై బేర సారాలు నిర్వహించుకుంటున్నట్లు సమాచారం ఉంది. అంతేకాకుండా ఫార్మసిస్టులు లేని మెడికల్ షాపులకు ప్రిస్క్రిప్షన్లు రాస్తూ వారి వద్ద నుండి అధిక మోతాదులో సంపాదిస్తున్నట్లు తెలుస్తుంది. మందులు కేవలం వీరి బాగోగుల నిమిత్తమే రాస్తున్నట్లు తెలుస్తుంది.

ఆర్‌ఎంపీ డాక్టర్ కు మెడికల్ షాపుకు మధ్యవర్తిగా మెడికల్ రిప్రెసెంటేటివ్ అనుసంధానకర్తగా వ్యవహరిస్తు న్నట్లు సమాచారం. ఆ మెడికల్ రిప్రజెంటేటివ్ సదరు ఆర్.ఎం.పి డాక్టర్ తో ఒప్పందం కుదుర్చుకున్నాక దానికి సంబంధించిన మందులను రాయడానికి మెడికల్ షాప్ లో మందులను డంపు చేసి అవసరం ఉన్నా లేకున్నా వారికి పది రోజుల నుండి 15 రోజుల వరకు రాస్తూ, వారు కష్టపడ్డ శ్రమ ను వీరు ఇరువురు ( మెడికల్ షాప్ యాజమాని ఆర్‌ఎంపీ డాక్టర్లు) జలగ లాగా పీక్కు తింటున్నారు. ఇంత జరుగుతున్నప్పటికీ జి ల్లా వైద్య అధికారులు మరియు రాష్ట్ర మెడికల్ కౌన్సిల్ అసోసియేషన్ వారు నిమ్మకు నీరెత్తుతున్నట్లు వ్యవహరిస్తుండడం పలు అనుమానాలకు తావిస్తుంది.

అదేవిధంగా ఎవరైనా జిల్లా వైద్యాధికారులకు సమాచా రం ఇస్తే వారు ఈ ఆర్‌ఎంపీలతో కుమ్మక్కై ఫలానా వ్యక్తి సమాచారం ఇచ్చినాడు అని వారికి చెప్పడంతో వీరిద్దరికీ (జిల్లా వైద్యాధికారికి ఆర్.ఎం.పి) డాక్టర్కు ఉన్న సంబంధాన్ని బలపరుస్తుంది. ఇట్టి విషయంలో సదరు ఆర్‌ఎంపీ డాక్టర్ లపై లోతుగా సమాచారం ఉన్నప్పటికీ వైద్యాధికారులకు సమా చారం ఇవ్వడానికి ఎవరు ముందుకు రావ డం లేదు. 

ఆర్‌ఎంపీల ఆగడాలు కొన్ని..

మరిపెడ మండలంలో గత సంవత్సరాల క్రితం మండల కేంద్రంలోని ఒక రోగి చెయ్యినొప్పి ఉందని వెళ్తే ఆ వైద్యుడు ప్రధమ చికిత్స చేసిన అనంతరము చెయ్యి ఇన్ఫెక్షన్తో కండరాలని తొలగించాల్సిన పరిస్థితి వచ్చింది. మరో ఆర్‌ఎంపి దగ్గరికి ఒక పాపను తీసుకొస్తే పరిమితి లేకుండా వైద్యం చేసి ఆ పాప చనిపోవడం జరిగింది. పాప కుటుంబం రోడ్డున పడిందని గట్టు చెప్పుడు కాకుండా కుటుంబానికి డబ్బులు ఇచ్చి కేసు లేకుండా చేస్తున్నారని ఆరోపణలు ఉన్నాయి.

అధికారులు స్పందించి ఆర్‌ఎంపీలు నియమ నిబంధనలపై పర్యవేక్షణ జరిపి అర్హత లేని ఆర్‌ఎంపీలను వైద్యం చేయకుండా చేయాలని అమాయక ప్రజల ఆరోగ్యాలతో చెలగాట మాడకుండా ప్రభు త్వ ఆసుపత్రులను సంప్రదించేలా అవగాహన కల్పించాలని మరిపెడ, మండల చుట్టుపక్కల తండా గ్రామాల ప్రజలు వాపోతున్నారు.

ఆర్‌ఎంపి లు పరిమితికి మించి ఎవరైనా వైద్యం చేస్తే, వారిపైన చట్టరీత్యా చర్యలు తీసుకొని పర్మినెంట్గా క్లినిక్ క్లోజ్ చేసి కేసు నమోదు చేయడం జరుగుతుంది. గతంలో కూడా మరిపెడ నుంచి రైడ్ చేసి రెండు క్లినిక్ క్లోజ్ జరిగింది.

రవి రాథోడ్ మహబూబాబాద్ జిల్లా వైద్యాధికారి