‘విద్యుత్ సమస్యను పరిష్కరించండి’

హైదరాబాద్, జూన్ 24 (విజయక్రాంతి): రంగారెడ్డి జిల్లా పెద్ద అంబర్‌పేట వివేకా నంద నగర్ సర్వే నంబర్ 271, 270, 269 లో విద్యుత్ సమస్య గురించి, లో వోల్టేజ్ ప్లాట్‌లకు ఎల్టి సప్లై గురించి మంగళవారం వివేకానంద కాలనీ వెల్ఫేర్ అసోసియేషన్ తరపున చీఫ్ ఇంజనీర్ ఎల్ పాండ్యాను కలిసి విన్నవించారు. తమ కాలనీ పరిసర ప్రాంతాల్లో 6చోట్ల సింగిల్ ఫేస్ ట్రాన్స్‌ఫా ర్మర్లు ఉన్నాయని, దానివల్ల ఒక్కొక్క దాని మీద లోడు పడుతుందని చెప్పిరు.

లో వోల్టేజ్ సమస్య వస్తున్నందున పెద్ద ట్రాన్స్ ఫార్మర్ పెట్టాలని కోరారు. చీఫ్ ఇంజనీర్ ఈ సమస్యను డివిజనల్ ఇంజనీర్ టెక్నికల్ పవర్ కోటేశ్వరరావుకు చేరవేశారు. డీఈ టెక్నికల్  స్పందించి పెద్ద అంబర్పేట్ అసిస్టెం ట్ ఇంజనీర్‌కు ఫోన్ చేసి చర్యలు తీసుకో వాలని సూచనలు ఇచ్చారు. కాగా చీఫ్ ఇంజనీర్ ఎల్ పాండ్యాను కలిసిన వారిలో వివేకానంద కాలనీ వెల్ఫేర్ అసోసియేషన్ అధ్యక్షుడు బి శేఖర్, ఉపాధ్యక్షుడు బి.వి. సుధీర్ తదితరులు ఉన్నారు.