సమస్యల పరిష్కారమే నా లక్ష్యం

19వ వార్డు కౌన్సిలర్ గొంగుల సంధ్య నవీన్ రెడ్డి 

పటాన్ చెరు, మార్చి 16 :ఇస్నాపూర్ మున్సిపాలిటీ 19వ వార్డులో డ్రైనేజ్ పనులను సోమవారం కౌన్సిలర్  గొంగుల సంధ్య నవీన్ రెడ్డి, అధికారులతో కలిసి వార్డులోని ప్రతి గల్లీలో పర్యటిస్తూ ప్రజల సమస్యలను తెలుసుకున్నారు. ఈ సందర్భంగా వారు మాట్లాడుతూ...

ప్రసుత్తం ఉన్న డ్రైనేజ్ వ్యవస్థలో అవసరమున్న చోట మరమ్మతులు చేయాలని, అలాగే అవసరమున్న ప్రాంతాల్లో కొత్త డ్రైనేజ్ వ్యవస్థను నిర్మించాలని అధికారులను ఆదేశించారు. ప్రజలకు మెరుగైన మౌలిక సదుపాయాలు అందించండమే లక్ష్యంగా పనిచేస్తామని తెలిపారు. ఈ కార్యక్రమంలో  అధికారులు, వార్డు సభ్యులు పాల్గొన్నారు.