తొలిసారి ఐసీసీ ట్రోఫీని ముద్దాడిన సౌతాఫ్రికా

లార్డ్స్: సౌతాఫ్రికా(South Africa) 27 సంవత్సరాల తర్వాత తొలిసారిగా ఐసీసీ ట్రోఫీ టైటిల్‌ను కైవసం చేసుకుంది. టెంబా బవుమా(Temba Bavuma) సారథ్యంలో లార్డ్స్ వేదికగా జరిగిన ప్రపంచ టెస్ట్ ఛాంపియన్‌షిప్(World Test Championship) మ్యాచ్‌లో ఆస్ట్రేలియా(Australia)ను ఓడించిన సౌతాఫ్రికా.. వరల్డ్‌ టెస్ట్‌ ఛాంపియన్‌గా నిలిచింది. ఐడెన్ మార్క్రామ్ చిరస్మరణీయ సెంచరీ సాధించాడు. కెప్టెన్ టెంబా బావుమా గాయంతో పోరాడి మ్యాచ్‌లో మొత్తం 102 పరుగులు చేశాడు. 282 పరుగుల లక్ష్యాన్ని సౌతాఫ్రికా 4వ రోజున ఛేదించి, ఐసీసీ ట్రోఫీని గెలుచుకుంది. కగిసో రబాడా తన బౌలింగ్ తో అద్భుతంగా రాణించి, మ్యాచ్‌లో తొమ్మిది వికెట్లు తీసుకున్నాడు. సౌతాఫ్రికా తరుఫున ఐసీసీ ఈవెంట్‌ ఫైనల్‌ మ్యాచ్‌లో సెంచరీ చేసిన తొలి బ్యాటర్‌గా ఐడెన్ మార్క్రామ్ రికార్డ్‌ సాధించాడు. దీంతో  సౌతాఫ్రికా ఐసీసీ ట్రోఫీ కల నెరవేరింది.