మానసిక ఉల్లాసానికి క్రీడలు దోహదపడతాయి

జిల్లా కలెక్టర్ వెంకటేష్ దోత్రే..

ప్రజాపాలన విజయోత్సవాల్లో భాగంగా 2 కే రన్ 

కుమ్రం భీం అసిఫాబాద్ (విజయక్రాంతి): క్రీడలు మానసిక ఉల్లాసానికి, దేహదారుడ్యానికి దోహద పడతాయని జిల్లా కలెక్టర్ వెంకటేష్ దోత్రే ఉన్నారు. ప్రజా పాల విజయోత్సవాలలో భాగంగా ఆదివారం 2 కే రన్ నిర్వహించారు. జిల్లా కలెక్టర్  మాట్లాడుతూ.. ప్రజా ప్రభుత్వం ఏర్పడి సంవత్సరం గడుస్తున్న నేపథ్యంలో ఈ నెల 9 వరకు ప్రజా పాలన ప్రజా విజయోత్సవాల వేడుకలను ప్రభుత్వం పండగ వాతావరణంలో ఘనంగా నిర్వహిస్తుందన్నారు. 2కే రన్ లో ఉత్సాహంగా పాల్గొన్న విద్యార్థులను, యువతను అభినందించారు. విద్యార్థులు, యువత చదువుతోపాటు, ప్రతి రోజూ కొంత సమయాన్ని క్రీడలకు కేటాయించాలని సూచించారు.

గ్రామీణ, పట్టణ ప్రాంతాల్లోని క్రీడాకారుల ప్రతిభను వెలుగులోకి తీసుకువచ్చేందుకు చర్యలు తీసుకుంటున్నట్లు తెలిపారు. రాష్ట్ర, జాతీయ, అంతర్జాతీయ స్థాయి పోటీల్లో పాల్గొనేలా తీర్చిదిద్దేందుకు రాష్ట్ర ప్రభుత్వం అన్ని ఏర్పాట్లు చేస్తున్నదన్నారు. క్రీడాకారులు రాష్ట్ర ప్రభుత్వం కల్పిస్తున్న సౌకర్యాలను సద్వినియోగం చేసుకోవాలన్నారు. ఈ కార్యక్రమంలో డీ.వై.ఎస్.ఓ. రమాదేవి, పీ.డీలు, పీ.ఈ.టీ.లు, వాలీ బాల్ అకాడమీ క్రీడాకారులు, యువతీ యువకులు, ప్రభుత్వ, ప్రైవేట్ పాఠశాలల విద్యార్థులు, మహిళా సంఘాలు, ప్రజలు, తదితరులు పాల్గొన్నారు.