బాలీవుడ్ నటుడు సునీల్ శెట్టి ప్రస్తుతం ‘హంటర్’ అనే వెబ్ సిరీస్‌లో నటిస్తున్నారు. ఓ యాక్షన్ సన్నివేశం చేస్తుండగా ఆయన గాయపడినట్టు సన్నిహితులు వెల్లడించారు. ఆయ న పక్కటెముకలకు ఒక చెక్క లాగ్ అనుకోకుండా తగలడం తో గాయపడ్డారని, షూటింగ్ ఆగిపోయిందట. వెంటనే సునీల్ శెట్టిని ఆసుపత్రికి తీసుకెళ్లారు.

ఈ విషయాన్ని సునీల్ శెట్టి సైతం ట్విటర్ వేదికగా పంచుకున్నారు. ‘చిన్న గాయమే. ప్రస్తుతం బాగానే ఉన్నా. మీ ప్రేమాభిమానాలకు కృతజ్ఞతలు’ అని తెలిపారు. ముంబయిలోని అండర్ వరల్డ్ నేపథ్యంలో హంటర్ వెబ్ సిరీస్ రూపొందుతోంది. దీనిలో సునీల్ శెట్టి పోలీస్ అధికారి పాత్రలో కనిపించనున్నారు. ‘వెల్ కమ్ టు ది జంగిల్’ చిత్రంలోనూ ఆయన నటిస్తున్నారు.