నేడు భారత జట్టు ఎంపిక

హైదరాబాద్, డిసెంబర్ 19 (విజయక్రాంతి ఖేల్ ప్రతినిధి): మరో 50 రోజుల్లో టీ20 ప్రపంచకప్ మొదలుకానుంది. ఈ మెగా టోర్నీ కోసం 20 జట్లు అర్హత సాధించాయి. డిఫెండింగ్ ఛాంపియన్‌గా బరిలోకి దిగుతున్న టీమిండియా టైటిల్ నిలబెట్టుకోవాలని పట్టుదలగా ఉంది. భారత్, శ్రీలంక సంయుక్తంగా ఆతిథ్యమిస్తున్న టీ20 ప్రపంచకప్‌కు శనివారం బీసీసీఐ జట్టును ప్రకటిం చనున్నారు. దీని కోసం చీఫ్ సెలక్టర్ అజిత్ అగార్కర్ సారథ్యంలోని బీసీసీఐ సెలక్షన్ కమిటీ ముంబైలో సమావేశం కానుంది. ప్రస్తుతం సౌతాఫ్రికాపై ఆడుతున్న జట్టులో సంచలన మార్పులు జరిగే అవకాశాలు కనిపించడం లేదు. మెగా టోర్నీ కావడంతో 15 మందితో పాటు ముగ్గురు రిజర్వ్ ప్లేయర్స్ ను ఎంపిక చేయాల్సి ఉంటుంది.

అయితే కెప్టెన్ సూర్యకుమార్ యాదవ్, వైస్ కెప్టెన్ శుభమన్ గిల్ ఫామ్ ఆందోళన కలిగిస్తోంది. మిగిలిన స్థానాలను చూస్తే తిలక్ వర్మ, హార్థిక్ పాండ్యా, శివమ్ దూబేలకు ప్లేస్ ఖా యం. సంజూ శాంసన్‌కు కూడా చోటు దక్కనుంది. అయితే ఫస్ట్ ఛాయిస్ వికెట్ కీపర్ గా మాత్రం జితేశ్ శర్మకే టీమ్ మేనేజ్ మెం ట్ ప్రాధాన్యతనిస్తోంది. ఇక టీ20 ఫార్మాట్ లోనూ మంచి ఫామ్‌లో ఉన్న యశస్వి జైశ్వా ల్‌ను రిజర్వ్‌గా ఎంపిక చేయొచ్చు. అదే సమయంలో దేశవాళీ క్రికెట్‌లో మళ్లీ ఫామ్ అం దుకున్న ఇషాన్ కిషన్ కూడా రేసులో ఉన్న ట్టు సమాచారం.

ఎందుకంటే సయ్యద్ ముస్తాక్ అలీ ట్రోఫీలో జార్ఖండ్ ను విజేతగా నిలపడంతో పాటు వ్యక్తిగతంగానూ అదరగొట్టాడు. రెండు సెంచరీలతో 500కు పైగా పరుగులు చేసి టోర్నీలోనే టాప్ స్కోరర్ గా నిలిచాడు. ఇక నితీశ్ రెడ్డికి 15 మందిలో చోటు కష్టంగానే కనిపిస్తోంది. రిజర్వ్ ప్లేయ ర్స్‌లో చోటు దక్కొచ్చు. నితీశ్ కు వాషింగ్టన్ సుందర్ గట్టిపోటీనిస్తున్నాడు. మరోవైపు రింకూ సింగ్ కూడా రిజర్వ్ జాబితాలోనూ చోటు దక్కుతుందని భావిస్తున్నారు. గత కొంతకాలంగా పేలవ ఫామ్‌తో ఉండడమే దీనికి కారణం.

బౌలింగ్ విభాగంలో బు మ్రా, అర్షదీప్ సింగ్, హర్షిత్ రాణాలకు చోటు ఖాయం. స్పిన్ కోటాలో అక్షర్ పటేల్, వాషింగ్టన్ సుందర్, కుల్దీప్ యాదవ్, వరుణ్ చక్రవర్తిలు గ్యారెంటీగా ఎంపికవుతారు. కాగా టీ20 ప్రపంచకప్ ఫిబ్రవరి 7 నుంచి మార్చి 8 వరకు జరగనుంది. టోర్నీకి ముం దు భారత్, న్యూజిలాండ్తో ఐదు టీ20ల సిరీస్ ఆడుతుంది. కివీస్ తో సిరీస్ కోసం ఎంపిక చేసిన జట్టే ప్రపంచకప్ లోనూ ఆడనుంది. కాగా మెగాటోర్నీలో భారత జట్టు గ్రూప్ ఏ లో ఉంది. ఇదే గ్రూపులో టీమిండియాతో పాటు పాకిస్తాన్, యూఎస్‌ఎ, నమీబియా, నెదర్లాండ్స్ ఉన్నాయి.