కరెంటును కట్ చేసిన కాకి

అంధకారంలో సింగారం గ్రామం 

భద్రాద్రి కొత్తగూడెం, జూన్ 18, (విజయ క్రాంతి) భద్రాద్రి కొత్తగూడెం జిల్లా మణుగూరు మండలంలో కాకి కరెంటు కట్ చేసిన సంఘటన చోటుచేసుకుంది. మండల పరిధిలోని సమితి సింగారం ప్రాంతంలో మంగళవారం రాత్రి ఓ ఏరియా లో కరెంటు సరఫరాకు అంతరాయం ఏర్పడింది. స్థానికులు ఇచ్చిన సమాచారం మేరకు విద్యుత్ శాఖ అధికారులు సంఘటన స్థలానికి చేరుకొని కరెంటు సరఫరాకు ఎక్కడ అంతరాయం ఏర్పడిందో ఆరా తీశారు.

చివరకు కరెంటు స్తంభం దగ్గర అంతరాయం ఏర్పడినట్లు గుర్తించారు. ఓ కాకి కరెంటు స్తంభంపై గూడు పెట్టేందుకు ఆ వైర్ మొక్క జారే స్తంభం పైన ఉన్న ఫేస్ 1 ఫేస్, 2 పై పడటంతో మంటలు చెలరేగి కరెంటు సరఫరాకు అంతరాయం ఏర్పడినట్లు గుర్తించారు. దీంతో గంటన్నర పాటు సింగారం ప్రాంతంలో అంధకారం నెలకొంది. మరమ్మత్తుల అనంతరం విద్యుత్ వెలుగులు విరజమ్మాయి.