మహిళకు దక్కిన సర్పంచ్ పదవి 

మిర్యాలగూడ, నవంబర్ 30 (విజయ క్రాంతి):- ఆదర్శ వివాహం ఆమెకు సర్పంచి పదవిని కల్పించింది. రిజర్వేషన్ల పరంగా అదృష్టం కలిసి వచ్చి సర్పంచ్ అయ్యే అవకాశం దక్కుతుంది. ఎన్నో సంవత్సరాలు కష్టపడి పార్టీలకు పనిచేసి పార్టీ జెండాలు మోసిన కూడా సర్పంచ్ పదవి దక్కాలంటే ఎన్నో ఇబ్బందులు పడాల్సి వస్తుంది. అయి తే రాష్ట్రంలో ఆదివారం రెండో విడత నామినేషన్ల స్వీకరణ మొదలైంది.

మిర్యాలగూడ డివిజన్ పరిధిలో పది మండలాలు ఉండగా రెండో విడతలో నామినేషన్లు అధికారులు స్వీకరిస్తున్నారు. అయితే ఒక్క ఓటు ఉన్న కేటగిరికి గ్రామపంచాయతీ రిజర్వేషన్ రావ డంతో గ్రామ ప్రజలతో పాటు నాయకులను ఆశ్చర్యానికి గురిచేసింది. మిర్యాల గూడ నియోజకవర్గం మాడుగుల పల్లి మం డలం గజలాపురం గ్రామంలో సర్పంచ్ పద వి ఎస్టీ రిజర్వుడు అయింది. ఈ గ్రామంలో ఎస్టీ కుటుంబం లేదు.

సుమారు 1,028 మంది ఓటర్లు ఉన్నారు. 8 వార్డులు ఉన్నా యి. ఈ గ్రామంలో బీసీ వర్గానికి చెందిన వ్యక్తి ఎస్టీ వర్గానికి చెందిన యువతి బ్రహ్మ మల రోజాను కులాంతర వివాహం చేసుకు న్నాడు. దీంతో గ్రామ సర్పంచ్ పదవి ఆమెనె వరించనుంది. దీంతోపాటు ఆ గ్రామంలో మూడో వార్డు, నాలుగో వార్డు కూడా ఎస్టీ సామాజిక వర్గానికి రిజర్వుడు అయింది. కానీ ఇక్కడ అభ్యర్థులు లేరు.