-కామారెడ్డి జిల్లా అచ్చయ్యపల్లి, జలాల్పూర్ గ్రామస్తుల ఆరోపణ 

-అందుబాటులో నామినేషన్ కేంద్రం ఏర్పాటు చేయలేదని గ్రామస్థుల ఆవేదన 

కామారెడ్డి, నవంబర్ 30 (విజయక్రాంతి): అధికారుల అనాలోచిత నిర్ణయాల వల్ల గ్రామాల ప్రజలు అవస్థలు పడాల్సిందే. ప్రస్తుతం జరుగుతున్న గ్రామ పంచాయతీ సర్పంచుల ఎన్నికలకు నామినేషన్ వేసేందుకు 15 కిలోమీటర్లు వెళ్లాల్సి వస్తుందని కామారెడ్డి జిల్లా నాగిరెడ్డిపేట మండలం అచ్చయ్యపల్లి, జలాల్పూర్ గ్రామాలకు చెందిన గ్రామస్తులు వాపోతున్నారు. తమకు అందుబాటులో నామినేషన్ కేంద్రం ఏర్పాటు చేయలేదని అధికారుల తీరును నిరసిస్తున్నారు.

సర్పంచ్ వార్డు సభ్యులకు పోటీ చేసేందుకు మండల కేంద్రం నాగిరెడ్డిపేటకు 15 కిలోమీటర్ల దూరం వెళ్లాల్సి వస్తుంది అని తెలిపారు. సర్పంచ్ రెండవ విడత నామినేషన్ల పర్వం ఆదివారం నుంచి ప్రారంభం కావడంతో నామినేషన్ కేంద్రానికి వెళ్లాలంటే 15 కిలోమీటర్లు వెళ్లాల్సి వస్తుందని అచ్చయ్యపల్లి, జలాల్పూర్ గ్రామాలకు చెందిన ప్రజలు సర్పంచ్,  వార్డు సభ్యుల నామినేషన్ వేయడానికి మండల కేంద్రంలోని ఎంపీపీ కార్యాలయానికి వెళ్లాల్సి వస్తుందని తెలిపారు.

ఎన్నికల కమిషన్ అధికారులు చర్యల వల్ల తాము ఇబ్బంది పడుతున్నా మనీ తెలిపారు. తమ రెండు గ్రామాల ప్రజలకు అన్యాయం జరిగిందని ఆవేదన వ్యక్తం చేస్తున్నారు. అధికారులు ఇప్పటికైనా ఆలోచించి మరోసారి ఇలాంటి ఇబ్బందులు తలెత్తకుండా నామినేషన్ కేంద్రాన్ని తమ గ్రామాల లోనే ఏర్పాటు చేయాలని అచ్చయ్య పల్లి, జలాల్పూర్ గ్రామాల ప్రజలు కోరుతున్నారు.