1. ప్రతి నియోజకవర్గంలో అభివృద్ధి చేసేలా ప్రణాళికలు
2. ‘వుమెన్ ఎంపవర్ మెంట్’ ఇంటి నుంచే మొదలవ్వాలి
3. ‘వీ--ఎనేబుల్ గ్రాడ్యుయేషన్ వేడుక’లో మంత్రి శ్రీధర్‌బాబు

హైదరాబాద్, నవంబర్ 30 (విజయక్రాంతి): రాష్ర్టంలోని ప్రతి అసెంబ్లీ నియోజకవర్గంలో మహిళల కోసం ప్రత్యేకంగా ఎంఎస్‌ఎంఈ పార్కును అభివృద్ధి చేయాలన్నదే తమ ప్రభుత్వ సంకల్పమని ఐటీ, పరి శ్రమల శాఖ మంత్రి దుద్దిళ్ల శ్రీధర్‌బాబు పేర్కొన్నారు. మహిళా సాధికారతను మా టల్లో కాకుండా చేతల్లో చేసి చూపిస్తున్నామని వెల్లడించారు. 2047 నాటికి తెలంగాణ ఆర్థిక వ్యవస్థను 3 ట్రిలియన్ డాలర్లకు చేర్చాలన్న లక్ష్యసాధనలో మహిళలను కీలక భాగస్వామ్యం చేస్తామని తెలిపారు. ‘

వీ-హబ్’ ఆధ్వర్యంలో ఆదివారం జూబ్లీహి ల్స్‌లోని డాక్టర్ బీఆర్ అంబేద్కర్ ఓపెన్ యూనివర్సిటీలో నిర్వహించిన ‘వీ-ఎనేబుల్ గ్రాడ్యుయేషన్ వేడుక’కు ఆయన ము ఖ్యఅతిథిగా హాజరయ్యారు. ఈ సందర్భంగా శ్రీధర్‌బాబు మాట్లాడుతూ.. మహిళా సాధికారత పూర్తిస్థాయిలో కార్యరూపం దాల్చా లంటే మార్పు అనేది ఇంటి నుంచే మొదలు కావాలన్నారు. ఇప్పుడిప్పుడే సమాజంలో ప్రగతిశీల మార్పు కనిపిస్తుందని, ఇది ఆహ్వానించదగ్గ పరిణామని పేర్కొన్నారు.

2017- -18 నుంచి 2023--24 మధ్య కాలం లో మహిళా శ్రామిక శక్తి భాగస్వామ్యం 22 శా తం నుంచి 40.3 శాతానికి పెరగడమే ఇం దుకు నిదర్శనమని తెలిపారు. తెలంగాణలో మహిళా శ్రామిక శక్తి భాగస్వామ్య రేటు 52.7 శాతం అని, ఇది జాతీయ సగటు 45.2 శాతం కంటే ఎక్కువగా నమోదు కావ డం రాష్ర్ట పురోగతిని ప్రతిబింబిస్తోందని పేర్కొన్నారు. మహిళలు కూడా పురుషులకు ధీటుగా వ్యాపారాలు ప్రారంభించి విజయవంతంగా నిర్వహించగలరని ‘వీ హబ్’ నిరూపించిందని అన్నారు.

ఈ స్ఫూర్తితో ఔ త్సాహిక మహిళా పారిశ్రామికవేత్తలు ప్రా రంభించే సార్టప్స్‌ను అంతర్జాతీయ స్థాయి లో ఎంటర్ ప్రెజైస్‌గా మార్చేలా ‘వీ హబ్ 2.0’కు ప్రణాళికలు రూపొందిస్తున్నామని చెప్పారు. ఈ వేదిక ద్వారా ఒకేచోట స్కిల్స్, టెక్నాలజీ, ఫైనాన్స్, మార్కెట్, మెంటార్షిప్ అందుబాటులో ఉండేలా ‘ఎకో సిస్టం’ను అ భివృద్ధి చేస్తామని ప్రకటించారు. మహిళల ఆలోచన తీరులోనూ మార్పు రావాలని, ఉ ద్యోగాల కోసం కాకుండా వాటిని సృష్టించే లా ఆలోచించాలన్నారు. క్రీడాకారిణి జ్వా ల గుప్తా, ఫిలిం ప్రొడ్యూసర్ ప్రియాంక దత్, వీ హబ్ సీఈవో సీతా పల్లచోల్ల పాల్గొన్నారు.