త్వరితగతిన ధాన్యం కొనుగోళ్లు పూర్తి చేయాలి

జిల్లా కలెక్టర్ తేజస్ నందలాల్..

కోదాడ (విజయక్రాంతి): ధాన్యం కొనుగోళ్లు త్వరితగతిన పూర్తి చేయాలని జిల్లా కలెక్టర్ తేజస్ నందలాల్ అన్నారు. కోదాడ మండలంలోని నల్లబండగూడెం, బండపాలెం, తమ్మరలోని ధాన్యం కొనుగోలు కేంద్రాలను బుధవారం పరిశీలించారు. ధాన్యం నిల్వలను పరిశీలించారు. బస్తాల నాణ్యత ఎలా ఉందో చూశారు. అక్కడి సిబ్బంది, రైతులను వివరాలడిగి తెలుసుకున్నారు. ఆర్డీఓ సూర్యనారాయణ, తహశీల్దార్ వాజిద్ అలీ, ఎంపీడీవో రామచంద్రరావు, ఏఓ రజిని, అసిస్టెంట్ రిజిస్ట్రార్ పద్మజ, అంబేద్కర్, సొసైటీ సీఈఓ జొన్నలగడ్డ కృష్ణ, వెంకటేశ్వర్లు పాల్గొన్నారు.