నటిగా నాలోని కొత్త కోణాన్ని చూస్తారు

ప్రస్తుతం కోలీవుడ్ స్టార్ దళపతి విజయ్ హీరోగా ‘జన నాయగన్’ సినిమా చేస్తున్న సంగతి తెలిసిందే. ఆయన పూర్తిస్థాయి రాజకీయాల్లోకి వెళ్లే ముందు చేస్తున్న చిత్రం కావడంతో దీనిపై ప్రేక్షకుల్లో భారీ అంచనాలున్నాయి. హెచ్ వినోద్ దర్శకత్వం వహిస్తున్న ఈ సినిమాలో పూజా హెగ్డే హీరోయిన్ కాగా.. ‘ప్రేమలు’ ఫేమ్ మమిత బైజు ముఖ్య పాత్రలో నటిస్తోంది. అంతేకాకుండా ఈ సినిమాలో నటి ప్రియమణి కీలక పాత్ర పోషిస్తోంది.

ఓ ఇంటర్వ్యూలో పాల్గొన్న ప్రియమణి.. ఇటీవలే ఈ చిత్రంలో భాగం కావటంపై ఎంతో ఆనందాన్ని వ్యక్తం చేసింది. “జన నాయగన్’లో విజయ్‌తో కలిసి స్క్రీన్ షేర్ చేసుకోవడం చాలా సంతోషంగా ఉంది. ఇది నా కెరీర్‌లో చాలా స్పెషల్ మూవీ.

ఈ సినిమాలో నా పాత్ర చాలా కొత్తగా ఉంటుంది. నటిగా నాలోని కొత్త యాంగిల్‌ను చూపించే చిత్రమిది” అంటూ ప్రియమణి చేసిన వ్యాఖ్యలు ఇప్పుడు నెట్టింట వైరల్‌గా మారాయి. సంక్రాంతి బరిలో నిలువనున్న ఈ సినిమాకు అనిరుధ్ రవిచందర్ సంగీతం అందిస్తున్నారు.