రామ్‌గఢ్: జార్ఖండ్‌లోని రామ్‌గఢ్ జిల్లాలో అక్రమ మైనింగ్ సమయంలో బొగ్గు(Ramgarh Coal Mine Collapse) గనిలో కొంత భాగం కూలిపోవడంతో ఒకరు మృతి చెందగా, మరికొందరు గనిలో చిక్కుకున్నట్లు పోలీసులు శనివారం తెలిపారు. జిల్లాలోని కర్మ ప్రాంతంలో తెల్లవారుజామున ఈ సంఘటన జరిగింది. సహాయ, రక్షణ చర్యల కోసం ఒక పరిపాలనా బృందాన్ని పంపినట్లు వారు తెలిపారు. 

"ఇప్పటివరకు ఒక మృతదేహాన్ని వెలికితీశారు. మరింత మంది చిక్కుకున్నట్లు అనుమానిస్తున్నందున సహాయక చర్యలు కొనసాగుతున్నాయి" అని కుజు పోలీస్ అవుట్‌పోస్ట్ ఇన్‌ఛార్జి అశుతోష్ కుమార్ సింగ్(Police Outpost In-charge Ashutosh Kumar Singh) తెలిపారు. ఆ స్థలంలో కొంతమంది గ్రామస్తులు అక్రమ బొగ్గు తవ్వకాలకు పాల్పడ్డారని ఆయన అన్నారు. "ఈ సంఘటన గురించి మాకు ఉదయం సమాచారం అందింది. ఈ విషయంపై దర్యాప్తు చేయడానికి ఒక పరిపాలనా బృందాన్ని సంఘటనా స్థలానికి పంపాము" అని రామ్‌గఢ్ డిప్యూటీ కమిషనర్ (డిసి) ఫైజ్ అక్ అహ్మద్ ముంతాజ్ మీడియాకి తెలిపారు.