1. 2న భద్రాద్రి జిల్లాలో, 3న సిద్దిపేట జిల్లా హుస్నాబాద్‌లో పర్యటన
2. భద్రాద్రి జిల్లాలో ఎర్త్ సైన్స్ విశ్వవిద్యాలయాన్ని ప్రారంభించనున్న సీఎం

భద్రాద్రి కొత్తగూడెం, నవంబర్ 29 (విజయక్రాంతి): డిసెంబర్ 2న భద్రాద్రి జిల్లాలో, 3న సిద్దిపేట జిల్లా హుస్నాబాద్‌లో సీఎం రేవంత్‌రెడ్డి పర్యటించనున్నారు. ఈ మేరకు అధికారులు ఏర్పాట్లు చేస్తున్నారు. భద్రాద్రి కొత్తగూడెం జిల్లాలో ఎర్త్ సెన్సైస్ విశ్వవిద్యాలయం త్వరలో ప్రారంభం కానుంది. డిసెంబర్ 2న ముఖ్యమంత్రి రేవంత్‌రెడ్డి ప్రారంభించనున్నారు. గత నాలుగు రోజులుగా పాల్వంచ, కొత్తగూడెం జంట పట్టణాలకు మధ్యలో గల సింగర్ అనే స్కూల్ ఆఫ్ మైండ్స్ ప్రాంగణంలో మన్మోహన్ సింగ్ ఎర్త్ సెన్సైస్ విశ్వవిద్యాలయం ఏర్పాటు పనులు చురుగ్గా సాగుతున్నాయి.

సింగర్ అనే స్కూల్ ఆఫ్ మైండ్స్ దేశంలోనే ఎక్కడా లేని విధంగా 300 ఎకరాల్లో విశ్వవిద్యాలయం రూపుదిద్దుకుంది. అత్యున్నత  ప్రమాణాలతో వేలాదిమందికి విద్య ఉపాధి అవకాశాలకు కేంద్రంగా మారింది. ప్రస్తుతం మైనింగ్ కళాశాల మన్మోహన్ సింగ్ ఎర్త్ సెన్సైస్ విశ్వవిద్యాలయంగా రూపాంతరం చెందడంతో వేలాదిమంది యువ శాస్త్రవేత్తలు ఎక్కడి నుంచె దేశ భవిష్యత్తుకు బా టలు వేయనున్నారు.

ప్రపంచంలోనే ఇలాం టి విశ్వవిద్యాలయం ఒక అమెరికాలో మాత్ర మే ఉంది. రెండవది తెలంగాణ రాష్ర్టంలోని భద్రాద్రి కొత్తగూడెం జిల్లా కేంద్రంలో ఏర్పా టు కావడం జిల్లా ప్రజలకు గర్వ కారణం. ఎర్త్ సైన్స్ విశ్వవిద్యాలయం ఏర్పాటు కావడంతో ఈ ప్రాంత నిరుద్యోగ యువత యువకుల్లో ఉద్యోగ, ఉపాధి అవకాశాలపై ఆశలు చిగురిస్తున్నాయి. వేలాదిమంది విద్యార్థుల ఉన్నత చదువులకు అవకాశాల లభించడంతోపాటు శాస్త్రవేత్తలుగా తయా రు చేసే అవకాశాలు జిల్లాకు వచ్చాయి. మైనింగ్ కళాశాలను ఎర్త్ సైన్స్ విశ్వవిద్యాలయంగా మార్చడంలో మంత్రి తుమ్మల నాగేశ్వరరావు కృషి అపారం. 

హుస్నాబాద్‌లో

హుస్నాబాద్: సీఎం రేవంత్‌రెడ్డి డిసెంబర్ 3న సిద్దిపేట జిల్లా హుస్నాబాద్‌లో పర్యటించనున్నారు. ట్రాఫిక్ నిర్వహణ, పా ర్కింగ్, భద్రతా ఏర్పాట్లను పటిష్టం చేసేందు కు ఉన్నతాధికారులు నిరంతర పర్యవేక్షణ చే స్తున్నారు. శనివారం సిద్దిపేట ట్రాఫిక్ ఏసీపీ సుమన్ కుమార్, ట్రాఫిక్ ఇన్‌స్పెక్టర్ ప్రవీణ్ కుమార్‌తో కలిసి హుస్నాబాద్‌లో విస్తృతంగా పర్యటించి, ఏర్పాట్ల పురోగతిని సమీ క్షించారు. సీఎం పర్యటనను సజావుగా, విజయవంతంగా నిర్వహించేందుకు అన్ని ప్రభు త్వ శాఖలు ఒకరితో ఒకరు పూర్తి సమన్వయంతో పనిచేయాలని ఏసీపీ అన్నారు. 

ఎర్త్ యూనివర్సిటలో కోర్సులు 

మన్మోహన్ సింగ్ ఎర్త్ సైన్స్ విశ్వవిద్యాలయంలో జువాలజీ, ఎన్విరాన్మెంట్ సైన్స్, జియో ఫిజిక్స్ , జియో కెమిస్ట్రీ, పీహెచ్డీ ప్రోగ్రాంలో యు జి సి నిబంధనల ప్రకారం కోర్సులను అందించనున్నారు. వేటితోపాటు బీటెక్ లో ఉన్న మైనింగ్ ఇంజనీరింగ్ కంప్యూటర్ సైన్స్, ఈ ఈ ఈ, కమ్యూనికేషన్ ఇంజనీరింగ్, ఇన్ఫర్మేషన్ టెక్నాలజీలలో ప్రతి కోర్సులో 60 సీట్ల చొప్పున మొత్తం 780 సీట్లతో వెజ్జను అందించనున్నారు.