త్రీ ట్రిలియన్ ఎకానమీకి చేరాలంటే లక్షా 39 వేల మెగావాట్ల విద్యుత్ అవసరం 

అందుకే కొత్త ప్లాంట్లపై దృష్టిపెట్టాం 

కాంగ్రెస్ అధికారంలోకి వచ్చిన వెంటనే పెరిగిన 10 శాతం వినియోగం 

విద్యుత్‌పై పవర్ పాయింట్ ప్రజెంటేషన్‌లో డిప్యూటీ సీఎం భట్టి 

హైదరాబాద్, నవంబర్ 29 (విజయక్రాంతి): ‘ఉత్పత్తి రంగాలు అభివృద్ధి చెం దితేనే 3 ట్రిలియన్ ఎకానమీ సాధ్యం.. అది జరగాలంటే 2047నాటికి తెలంగాణకు లక్షా39వేల మెగావాట్ల విద్యుత్ అవసరం ఉంటుంది.. ప్రస్తుతం రాష్ర్టంలో విద్యుత్ ఉత్పత్తి సామర్థ్యం 20,754 మెగావాట్లుగా ఉంది, డిమాండ్ మేరకు విద్యుత్ ఉత్పత్తిని పెంచుకోవాల్సిన అవసరం ఉందని డిప్యూ టీ సీఎం మల్లు భట్టి విక్రమార్క అభిప్రాయపడ్డారు.

కరెంట్ వాడకంలో 50శాతం గ్రీన్ ఎనర్జీ ఉండాలన్నదే మా లక్ష్యం అని తెలిపారు. రాష్ట్రంలో విద్యుత్ పరిస్థితి, భవిష్యత్ అవసరాలపై మంత్రులు శ్రీధర్‌బాబు, పొన్నం ప్రభాకర్‌లతో కలిసి మీడియా సమావేశం నిర్వహించారు. విద్యుత్ డి మాండ్ సన్నద్ధతపై ఈ సందర్భంగా పవర్ పాయింట్ ప్రజెంటేషన్ ఇచ్చారు. అనంతరం మాట్లాడుతూ... ఉత్పత్తి రంగాలు పెద్ద ఎత్తున అభివృద్ధి చెందితేనే వాటి ద్వారా ఉత్పత్తి భారీ స్థాయిలో పెరిగి రాష్ర్ట జీఎస్డీపీకి ఉపయోగపడతాయని, తద్వా రా మన ఎకానమీ ఆశించిన స్థాయిలో పెరుగుతుంద న్నారు. 

ఉత్పత్తి రంగాలైన తయా రీ, వ్యవసాయ, సేవల రంగాలకు అవసరమైన నాణ్యమైన విద్యుత్‌ను అందించడమే ప్రధానాశంగా ముందుకు వెళుతున్నట్లు చెప్పారు. ప్రపంచ స్థాయి నగరాలతో పోటీపడే విధంగా తెలంగాణ అభివృద్ధి చెం దాలని ఆశిస్తున్నామని, ప్రపంచంలోని వివి ధ దేశాలలో తలసరి విద్యుత్ వినియోగానికి అనుగుణంగా తెలంగాణలో కూడా తలసరి విద్యుత్ వినియోగం పెంచడానికి ఆలోచన చేస్తున్నట్లు చెప్పారు.

రాష్ర్టంలో ప్రజాప్రభుత్వం అధికారంలోకి వచ్చాక గతంలో కంటే ఒకేసారి 10 శాతం విద్యుత్ డిమాండ్ పెరిగిందని భట్ఠి విక్రమార్క వివరించారు. సీఎం రేవంత్ రెడ్డి, పరిశ్రమల శాఖ మంత్రి శ్రీధర్ బాబులు దావోస్ వెళ్లి వివిధ సంస్థలతో ఎంవోయూలు చేసుకున్నారని, అందు లో భాగంగా రాష్ర్టంలో ఏర్పాటు కానున్న డేటా, గ్లోబల్ సెంటర్స్ తో హైదరాబాద్ గ్లోబల్ హబ్‌గా మారనుందని తెలిపారు. అంతేకాక మూసీ పునరుజ్జీవం, ఫ్యూచర్ సిటీ అవసరాలను దృష్టిలో పెట్టుకుని అం దుకు అనుగుణంగా ప్రణాళికలు రూపొందించామని చెప్పారు.    

3 ట్రిలియన్ డాలర్ల ఆర్థిక వ్యవస్థే లక్ష్యం

రాష్ర్ట ప్రభుత్వం 2047కు 3 ట్రిలియన్ డాలర్ల ఆర్థిక వ్యవస్థగా రాష్ట్రాన్ని నిర్మించాలని లక్ష్యంగా పెట్టుకుందని, అందుకు అవ సరమైన ఖచ్చితమైన ప్రణాళికతో ముం దుకు పోతోందన్నారు. 3 ట్రిలియన్ డాలర్ల ఆర్థిక వ్యవస్థగా రాష్ర్టం అభివృద్ధి చెందాలంటే జీఎస్డీపీ 13 శాతం పెరగాలని, జీఎస్డీ పీ పెరగాలంటే అదే స్థాయిలో విద్యుత్తు వినియోగం పెరుగుదల ప్రతి ఏటా10 శాతం ఉంటుందని అంచనాలున్నాయని పేర్కొన్నారు.

ఆ లెక్కన 2047 నాటికి 1,39,310 మెగావాట్లకు పైగా విద్యుత్ అవసరం ఏర్పడుతుందని, ఈ స్థాయిలో విద్యుత్ పెరు గుదల అవసరం ఉండగా ప్రస్తుతం మన రాష్ర్టంలో మన రాష్ర్టంలో విద్యుత్ ఉత్పత్తి సామర్థ్యం 20,754 మెగావాట్లుగా ఉందని చెప్పారు. తెలంగాణ రాష్ర్టం 2014లో పవర్ డిమాండ్  6,755 మెగావాట్లు ఉండేదని, 2025 నాటికి 17,162 కు పెరిగిందన్నారు.

2025--26 నాటికి 18,825 మెగావాట్లకు పెరిగే అవకాశం ఉందని, అదే 2035 నాటికి 48,827 మెగావాట్లకు పెరుగుతుందనే అం చనాలున్నాయని వివరించారు. 2025 నుం చి ప్రతి ఏటా 8.50 శాతం పెరుగుదలతో.. 2047 నాటికి ప్రతి ఏటా 10 శాతం మేర గ్రోత్ రేట్ ఉండవచ్చనే అంచనాలున్నాయని చెప్పారు. 

భవిష్యత్‌లో ఇబ్బందులు తప్పవు

భవిష్యత్తులో విద్యుత్ డిమాండ్ అవసరాలు ఈ విధంగా ఉండగా ప్రస్తుతం రాష్ర్టం లో విద్యుత్ ఉత్పత్తి సామర్థ్యం 20,754 మెగావాట్లుగా ఉందని, కాబట్టి 2047 లక్ష్యానికి చేరుకునేందుకు విద్యుత్తు ఉత్పత్తిని పెం చుకోవాలన్నారు. విద్యుత్ వినియోగంలో 2030 నాటికి  50 శాతం గ్రీన్ ఎనర్జీనే ఉం డాలని పారిస్ ఒప్పందం చెబుతోందని, 2070 నాటికి పూర్తిగా గ్రీన్ ఎనర్జీనే వినియోగించాలనే అందులో స్పష్టంగా ఉంద న్నారు.

గత పదేళ్లు అధికారంలో ఉన్న ప్రభు త్వం విద్యుత్తు పాలసీ తీసుకురాకపోవడం వల్ల సోలార్, థర్మల్, విండ్, పంప్డ్ స్టోరేజీల లో మనం వెనుకబడి ఉన్నామని చెప్పారు. సీఈఏ ప్రకారం 2029--30 నాటికి రాష్ర్టం మైనస్ 243 మిలియన్ యూనిట్లకు వెళుతుందని చెప్పారు. 2029--30 నాటికి వి ద్యుత్ స్టోరేజీ 7366 మెగావాట్లు అవసరమని.. సోలార్ పవర్ కొనుగోలు చేయాలం టే 25 ఏళ్ల అగ్రిమెంట్ చేసుకోవాల్సి ఉం టుందన్నారు.

ఇప్పటికైనా విద్యుత్ ఉత్పత్తిని పెంచుకోకపోతే భవిష్యత్తులో ఇబ్బందులు తప్పవని చెప్పారు. విద్యుత్‌ను బ్యాటరీ స్టోరే జ్, పంప్డ్ స్టోరేజుల్లో అందుబాటులోకి తీసుకురావాలని రాష్ర్ట ప్రభుత్వం భావిస్తోంద న్నారు. రాష్ర్టంలో 12 ప్రాంతాల్లో పంప్డ్ స్టోరేజ్ పాయింట్లకు అవకాశం ఉందని, పం ప్డ్ స్టోరేజ్‌కు తెలంగాణ అనుకూలమైన రా ష్ర్టమని, రాష్ట్రానికి కావాల్సిన వాటర్, ఎనర్జీ పుష్కలంగా ఉన్నాయని తెలిపారు. ప్రపంచంతో పోటీపడే విధంగా తీర్చిదిద్దాలనే లక్ష్యంతో సీఎం రేవంత్ రెడ్డి నాయకత్వంలో రాష్ర్టం ముందుకెళ్తున్నదన్నారు.

యాదాద్రి పవర్ ప్రాజెక్ట్ సమీపంలో బొగ్గు గనులు లేవని, అందువల్ల వందల కిలోమీటర్ల నుం చి బొగ్గు తీసుకురావాల్సి వస్తోందని చెప్పా రు. ఈ కారణం వల్ల విద్యుత్ ఉత్పత్తిపై భా రం పడుతోందన్నారు. ప్రజా ప్రభుత్వం బొగ్గు గనుల వద్దనే థర్మల్ ప్రాజెక్ట్ను నిర్మించాలని చూస్తోంది. ఎన్టీపీసీ లేదా జెన్ కో ఎవరు తక్కువ ధరకు నిర్మిస్తే వారికే ఇస్తామ ని చెప్పారు.