1. అండర్19 వరల్డ్ కప్ బరిలో యువ భారత్
2. 13 ఏండ్ల సూర్యవన్షీకి అవకాశం

న్యూఢిల్లీ: ఈ నెల చివర్లో యూఏఈ వేదికగా జరగనున్న అండర్ 19 వన్డే వరల్డ్‌కప్‌లో భారత యువ జట్టుకు మహ్మద్ అమాన్ సారథ్యం వహించనున్నాడు. నవంబర్ 30న యువ భారత జట్టు దాయాది పాకిస్తాన్‌తో తొలి మ్యాచ్ ఆడనుంది. దేశవాళీలో మెరిసిన కుర్రాళ్లు భారత జట్టులో ఉన్నారు. భారత్, పాకిస్తాన్‌తో పాటు జపాన్, ఆతిథ్య యూఏఈ జట్లు గ్రూప్ ఏ లో ఉన్నాయి. నవంబర్ 26న భారత్ ప్రాక్టీస్ మ్యాచ్ ఆడనుంది. 

సూర్యవన్షీకి చాన్స్

చెన్నై వేదికగా ఆస్ట్రేలియాతో జరిగిన యూత్ టెస్టులో అదరగొట్టిన 13 సంవత్సరాల వైభవ్ సూర్య వన్షీకి అవకాశం దక్కింది. చెన్నై వేదికగా ఆస్ట్రేలియాతో జరిగిన యూత్ టెస్టులో సూర్యవన్షీశీ సెంచరీతో కదం తొక్కా డు. దీంతో సూర్యవన్షీకి సెలెక్టర్ల నుంచి పిలుపొచ్చింది. 

భారత షెడ్యూల్

1. నవంబర్ 30: భారత్ x పాకిస్తాన్ దుబాయ్
2. డిసెంబర్ 2: భారత్ x జపాన్ షార్జా
3. డిసెంబర్ 4: భారత్ x యూఏఈ షార్జా