వాషింగ్టన్: నిఖిల్ కామత్(Nikhil Kamath)తో పోడ్‌కాస్ట్ లో టెస్లా, స్పేస్‌ఎక్స్ చీఫ్ ఎలాన్ మస్క్(Elon Musk) కీలక వ్యాఖ్యలు చేశారు. అమెరికాకు వచ్చిన ప్రతిభావంతులైన భారతీయుల నుండి అమెరికా అపారమైన ప్రయోజనం పొందిందని మస్క్ పేర్కొన్నారు. హెచ్1బీ దుర్వినియోగంతో అమెరికన్లకు వలసలపై వ్యతిరేకత ఏర్పడిందని ఆయన వివరించారు. ప్రతిభావంతులైన వలసదారులను అమెరికా ప్రోత్సహించాలని సూచించారు. భారత్ తో కలిసి పని చేసేందుకు స్టార్ లింక్ సిద్ధంగా ఉందని మస్క్ వెల్లడించారు.

భవిష్యత్తులో పనిచేయడం ఐచ్ఛికం కావచ్చని ఎలాన్ మస్క్ అన్నారు. కృత్రిమ మేధస్సు (Artificial intelligence), రోబోటిక్స్ కారణాలను పేర్కొన్నారు. "నా అంచనా ప్రకారం 20 సంవత్సరాలలోపు, పని చేయడం ఒక అభిరుచిలాగా ఐచ్ఛికం అవుతుంది." అని ఎలోన్ మస్క్ ఆదివారం భారతీయ వ్యవస్థాపకుడు నిఖిల్ కామత్‌తో పోడ్‌కాస్ట్ సందర్భంగా అన్నారు. ఏఐ రోబోటిక్స్ రంగంలో పురోగతి ద్వారా ఈ మార్పు తీసుకురాబడుతుందన్నారు. నవంబర్ 19న జరిగిన అమెరికా-సౌదీ పెట్టుబడి ఫోరంలో మస్క్ కూడా కృత్రిమ మేధస్సు, రోబోటిక్స్ గురించి ఇలాంటి అంచనానే వేశారు.