దుర్గం చెరువుకు రెండు రోజులు తాళం!

హెచ్.ఎం.డబ్లు.ఎస్.ఎస్బి పనుల నేపథ్యంలో సందర్శకుల ప్రవేశం నిలిపివేత

శేరిలింగంపల్లి, సెప్టెంబర్ 10 (విజయక్రాంతి): సైబరాబాద్ లో ప్రముఖ వినోద, పర్యాటక కేంద్రంగా నిలిచిన దుర్గం చెరువుకు గురువారం, శుక్రవారం రోజుల్లో సందర్శకుల ప్రవేశం నిలిపివేయబడింది. సదుపాయాలను మెరుగుపరచేందుకు హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డు(Hyderabad Metropolitan Water Supply & Sewerage Board) చేపట్టిన నిర్వహణ పనుల నేపథ్యంలో సైబరాబాద్ మునిసిపల్ కార్పొరేషన్ (సీఎంసీ) ఈ నిర్ణయం తీసుకుంది. సెప్టెంబర్ 10,11 తేదీల్లో చెరువు ప్రాంగణంలోకి ప్రజల ప్రవేశం తాత్కాలికంగా నిషేధించినట్లు సీఎంసీ ప్రకటించింది.

ఈ రెండు రోజులు బోటింగ్, వాక్వే, ఇతర సందర్శన సౌకర్యాలు అందుబాటులో ఉండవని అధికారులు స్పష్టం చేశారు. సిఎంసి ప్రజలకు విడుదల చే సిన సూచనలో సందర్శకులు ఈ విషయా న్ని గమనించి, ఆయా తేదీల్లో దుర్గం చెరువు ప్రాంగణానికి రావడం నివారించి,తమ సం దర్శనను తదనుగుణంగా ప్రణాళిక చేసుకోవాలని సూచించారు.వారాంతాల్లో పెద్ద సం ఖ్యలో జనం తరలివచ్చే ఈ చెరువు వద్ద గు రువారం సాయంత్రం నుంచే ప్రవేశ నియంత్రణ అమల్లోకి వచ్చినట్లు సమాచారం.12వ తేదీ నుంచి తిరిగి తెరుచుకుంటుందో లేదో అధికారిక నిర్ధారణ కోసం సీఎంసీ,హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డు ప్రకటనలను గమనించాలని అధికారులు సూచిస్తున్నారు.