ఎస్సీ ఎస్టీ కమిషన్ చైర్మన్ బక్కి వెంకటయ్య 

మేడ్చల్, నవంబర్ 29 (విజయ క్రాంతి): ఎస్సీ, ఎస్టీలకు రాజ్యాంగం కల్పించిన హక్కులను కాపాడడమే కాకుండా వారికి న్యాయం జరిగే వరకూ పోరాడుతామని తెలంగాణ రాష్ట్ర ఎస్సీ, ఎస్టీ కమీషన్ చైర్మన్ బక్కి వెంకటయ్య అన్నారు. కూకట్‌పల్లి మండలంలోని మూసాపేట్ దాయరగూడలో సర్వేనెంబర్ 155 లో గల కబ్జా అయిన దళితుల స్థలాన్ని చైర్మన్ పరిశీలించారు. ఈ సందర్భంగా ఆయన మాట్లాడుతూ దళితులకు న్యాయం జరిగే వరకూ అండగా ఉంటామని అన్ని విధాల సహకరిస్తామన్నారు.

కోర్టు కేసులో ఉన్న స్థలాన్ని హైడ్రా అధికారులు దౌర్జన్యంగా కబ్జా చేసి ఫెన్సింగ్ వేశారని ఎస్సీ, ఎస్టీ బాధితులు కమిషన్ చైర్మన్ కు విన్నవించుకున్నారు. చైర్మన్ స్పందిస్తూ 50/60 సంవత్సరాల నుండి ఉంటున్న వారి పూర్వీకులు స్థలాన్ని  కోర్టులో కేసు నడుస్తున్నప్ప టికీ హైడ్రా అధికారులు దౌర్జన్యంగా స్థలాన్ని కబ్జా చేయడం అన్యాయం అన్నారు. దళితులకు అన్యాయం చేసే వారు ఎంతటి వారైనా ఉపేక్షించేది లేదని, హైడ్రా హెచ్‌ఎండిఏ అధికారులకు నోటీసులు పంపుతామన్నారు.  వైలెన్స్ ఆఫ్ ఎస్సీ ఎస్టీ కేసులు నమోదు చేస్తామన్నారు.

బాధితులకు ఎలాంటి నోటీసులు, నష్ట పరిహారం ఇవ్వకుండా స్థలాలను కబ్జా చేసి ఫెన్సింగ్ వేసినందుకు సం బంధిత అధికారులకు నోటీసులు పంపుతామన్నా రు. బాధితులకు న్యాయం జరిగే వరకూ అం డగా ఉంటామని వారి భూమిని వారికి ఇప్పిస్తామని చైర్మన్ భరోసా ఇచ్చారు. ఈ పర్య టనలో మల్కాజ్గిరి ఆర్డీవో శ్యాం ప్రకాష్, జి ల్లా ఎస్సీ అభివృద్ధి శాఖ అధికారి వినోద్ కు మార్, జిల్లా గిరిజన అభివృద్ధి శాఖ అధికారి పద్మజ, స్థానికులు తదితరులు పాల్గొన్నారు.