కొత్త బట్టలంటే అందరికీ సంబరమే. కొనుక్కున్న వెంటనే ఎప్పుడెప్పుడు వేసుకుందామా? అనే అందరూ ఆలోచిస్తారు. కానీ షాప్ నుంచి తెచ్చాక వాటిని ఉతికి వేసుకోవాలా? ఉతక్కుండా వేసుకోవాలా? అనే సందేహం అందరికీ ఉంటుంది. కొత్త బట్టలు ఉతికి వేసుకుంటే మంచిదా? అలాగే వేసుకుంటే ఏమవుతుంది? నిపుణులు ఏం చెబుతున్నారు? ఓసారి తెలుసుకుందాం.. 

సాధారణంగా ప్రత్యేక సందర్భాల్లో కొత్త బట్టలు కొంటూనే ఉంటాం. పెద్దవాళ్లు వాటిని ఉతికిన తర్వాతే వేసుకోమని చెబుతారు. ఇందులో నిజం లేకపోలేదు అంటున్నారు వైద్యులు. కొత్త బట్టల్లో హానికర రసాయనాలు ఉంటాయి.

వాటిని ఉతికి ఎండలో ఆరేస్తే అవి పోతాయని నిపుణులు చెబుతున్నారు. అంతేకాకుండా వాటిని ఇస్త్రీ చేసుకుని ధరిస్తే మరింత మంచిదని చెబుతున్నారు. కానీ అవేమీ పట్టించుకోకుండా అలాగే వేసుకుంటే చర్మ వ్యాధులు వచ్చే అవకాశం ఉంటుందని నిపుణులు చెబుతున్నారు. 

ప్రమాదం ఎక్కువ..

కొత్త బట్టలను ఉతకకుండా వేసుకుంటే అలర్జీ సమస్యలు కూడా వచ్చే అవకాశం ఉందని అమెరికా జాతీయ ఆరోగ్య సేవా సంస్థ వెల్లడించింది. షాపుల్లో సైజు కోసం చాలామంది ట్రయల్స్ వేస్తుంటారు. దానివల్ల బ్యాక్టీరియా ఒకరి నుంచి మరొకరికి వ్యాప్తి చెందే అవకాశం ఉంది. కాబట్టి కొత్తబట్టలను ఉతికిన తర్వాత వేసుకోవాలని ఎన్‌హెచ్‌ఎస్ సూచిస్తోంది.

చర్మవ్యాధులు..

కొత్త బట్టలను అలాగే వేసుకోవడం వల్ల ‘కాంటాక్ట్ డె ర్మటాటిస్’ అనే అతి పెద్ద ప్రమాదం బారిన పడే అవకా శం ఉందని చర్మ వ్యాధి నిపుణులు హెచ్చరిస్తున్నారు. ఇ ది సోకిన వారిలో చర్మం పొలుసులుగా మారి దురద పె డుతుంది.

బట్టలు వేసుకున్న కొన్ని గంటల్లోనే దీన్ని గు ర్తించవచ్చు. ఇది సోకితే చర్మం ఎర్రగా మారి అసౌకర్యం గా అనిపిస్తుంది. అందువల్ల కొత్తగా కొన్న దుస్తులను ఉతికిన తర్వాతే వేసుకోవడం మంచిది.