కాంగ్రెస్‌లో బీఆర్‌ఎస్ విలీనం కాకపోతే మీ పార్టీని రద్దు చేసుకుంటారా?

బీజేపీ నేత ఎన్వీఎస్‌ఎస్ ప్రభాకర్‌కు కాంగ్రెస్ ఎమ్మెల్సీ అద్దంకి దయాకర్ సవాల్ 

హైదరాబాద్, మే 14 (విజయక్రాంతి): కాంగ్రెస్, బీఆర్‌ఎస్ మధ్య ఒప్పందం కుదిరిందని, త్వరలోనే రాష్ట్రంలో ముఖ్యమంత్రి మార్పు ఉండబోతుందని బీజేపీ నేత ఎన్వీఎస్‌ఎస్ ప్రభాకర్ చేసిన వ్యాఖ్యలను కాంగ్రెస్ ఎమ్మెల్సీ అద్దంకి దయాకర్ ఖండించారు. బీజేపీకి కాంగ్రెస్ పార్టీ పై విషయం చిమ్మడం తప్ప మరో పనిలేదని మండిపడ్డారు.

ఎన్వీఎస్‌ఎ స్ ప్రభాకర్ చెప్పినట్టుగా జూన్ 2న కాంగ్రెస్ పార్టీలో బీఆర్‌ఎస్ విలీనం కాకపోతే మీ పార్టీని రద్దు చేసుకుంటారా? అని అద్దంకి దయాకర్ సవా ల్ విసిరారు. బుధవారం ఆయన గాంధీభవన్‌లో మీడియాతో మాట్లాడుతూ.. బీజేపీ మాటలు నమ్మి, పక్క రాష్ట్ర డిప్యూటీ సీఎం కూడా అబద్ధాలను నిజమని నమ్మే పరిస్థితికి వచ్చారని ఆయన విమర్శించారు.