సీనియర్ సివిల్ కోర్టు జడ్జి శ్రీదేవి

కల్వకుర్తి టౌన్: విద్యార్థుల పెంపకంలో తల్లుల పాత్ర అమోఘమని సీనియర్ సివిల్ కోర్టు జడ్జి శ్రీదేవి అన్నారు. శనివారం ఆమె పట్టణంలోని సరస్వతీ శిశు మందిర్ ఉన్నత పాఠశాలలో  మాతృమండలి ఆధ్వర్యంలో మహిళా సప్తశక్తి సంఘం కార్యక్రమం ఘనంగా నిర్వహించబడింది. ఈ కార్యక్రమానికి ముఖ్య అతిథిగా హాజరై మహిళలు పిల్లల పెంపకంలో పాటించవలసిన ముఖ్యమైన అంశాలపై అవగాహన కల్పించారు.

నిర్మల మాతాజీ  కుటుంబ ప్రబోధన్ పై ప్రసంగించి, కుటుంబంలో మహిళల పాత్ర, కుటుంబ సభ్యులు కలిసి భోజనం చేయడం వంటి సంస్కార విలువల గురించి వివరించారు. రాధిక  నారీ శక్తి యొక్క యోగదానం గురించి మాట్లాడుతూ, పురాతన కాలంలో మహిళలు రాణులుగా రాజ్యపాలనలో ఏ విధంగా ముఖ్య పాత్ర పోషించారో వివరించారు. ఈ కార్యక్రమంలో పాఠశాల ప్రధానాచార్యులు  సేవకుల రాజు, ఆచార్యులు, మాతాజీలు ప్రబోధ కారిణి సభ్యులు తదితరులు పాల్గొన్నారు.