ధాన్యం కొనుగోళ్లలో రైతులకు అన్యాయం

21-11-2026 | 06:33pm

రుద్రంగి, నవంబర్ 21 (విజయక్రాంతి): రుద్రంగి మండల కేంద్రంలో ఏర్పాటు చేసిన ధాన్యం కొనుగోలు కేంద్రంలో రైతుల నుంచి సక్రమంగా ధాన్యం కొనుగోలు చేయకుండా ప్రైవేటు వ్యక్తులతో కుమ్మక్కై మోసం చేస్తున్నారని బహుజన సమాజ్ పార్టీ (BSP) వేములవాడ నియోజకవర్గ అధ్యక్షుడు కట్కూరి శంకర్ తీవ్రంగా ఖండించారు.

ఆరుగాలం కష్టపడి పండించిన ధాన్యాన్ని ప్రభుత్వం మద్దతు ధరకు కొనుగోలు చేస్తుందనే ఆశతో రైతులు కేంద్రానికి తీసుకొస్తున్నారని తెలిపారు. అయితే అధికారులు రకరకాల సాకులు చెబుతూ ధాన్యం కొనుగోలు చేయకుండా రైతులను వెనక్కి పంపుతున్నారని ఆవేదన వ్యక్తం చేశారు. దీంతో రైతులు చేసేదేమీ లేక తక్కువ ధరకు ప్రైవేటు దళారులకు ధాన్యం అమ్ముకోవాల్సిన పరిస్థితి ఏర్పడిందన్నారు.

ప్రభుత్వ కొనుగోలు కేంద్రంలోనే ప్రైవేటు వ్యక్తులతో కుమ్మక్కై రైతులను దోచుకుంటున్నారన్న ఆరోపణలపై సమగ్ర విచారణ (Comprehensive Investigation) జరిపి బాధ్యులపై కఠిన చర్యలు తీసుకోవాలని డిమాండ్ చేశారు. వెంటనే కొనుగోలు ప్రక్రియ (Procurement Process)ను వేగవంతం చేసి ప్రతి ధాన్యం గింజను మద్దతు ధరకు కొనుగోలు చేయాలని కోరారు.

రైతుల సమస్యలను ప్రభుత్వం (Government) వెంటనే పరిష్కరించి వారికి న్యాయం చేయాలని స్పష్టం చేశారు. లేనిపక్షంలో రైతుల పక్షాన బీఎస్పీ ఆధ్వర్యంలో పెద్ద ఎత్తున ఆందోళన (Protest) చేపడతామని కట్కూరి శంకర్ హెచ్చరించారు.

మరిన్ని వార్తలు