ఆలేరులో క్రీడా సంబరాలు.. విజేతలకు బహుమతులు

21-11-2026 | 06:47pm

ఆలేరు, నవంబర్ 21 (విజయక్రాంతి): మేరా యువభారత్ (Mera Yuva Bharat) సౌజన్యంతో, ఆలేరు ఫ్రెండ్స్ క్లబ్ సహకారంతో గత రెండు రోజులుగా నిర్వహిస్తున్న బ్లాక్ స్థాయి క్రీడా పోటీలు శనివారం సాయంత్రం ఘనంగా ముగిశాయి. వాలీబాల్, టగ్ ఆఫ్ వార్, షటిల్ బ్యాడ్మింటన్, పరుగు పందెం తదితర క్రీడల్లో వివిధ గ్రామాలకు చెందిన క్రీడాకారులు ఉత్సాహంగా పాల్గొన్నారు.

స్థానిక ఫ్రెండ్స్ క్లబ్ ఆవరణలో క్లబ్ అధ్యక్షుడు పూల నాగయ్య ఆధ్వర్యంలో ముగింపు కార్యక్రమం నిర్వహించారు. ముఖ్య అతిథిగా హాజరైన ప్రభుత్వ జూనియర్ కళాశాల ప్రిన్సిపాల్ పూజారి వెంకటేశం విజేతలకు బహుమతులు (Prizes) అందజేశారు.

ఈ కార్యక్రమానికి ప్రత్యేక ఆహ్వానితులుగా జడ్పీహెచ్‌ఎస్ పీఎం శ్రీ పాఠశాల హిందీ ఉపాధ్యాయుడు పంగ మేఘరాజు, కళాశాల అధ్యాపకులు జూకంటి వెంకటేష్, ఎండీ అబ్బాస్, వెంకటరమణ, షూటింగ్ బాల్ జిల్లా ప్రధాన కార్యదర్శి మోత్కూరు మానస పాల్గొన్నారు. ఫ్రెండ్స్ క్లబ్ సభ్యులు పూల చంద్రకుమార్, పారానంది రాహుల్ తేజ, రవికుమార్ తదితరులు ఏర్పాట్లను పర్యవేక్షించారు.

బాలుర విభాగంలో విజేతలు

వాలీబాల్: ప్రథమ బహుమతి షారాజ్‌పేట జట్టు, ద్వితీయ బహుమతి వీఆర్ కళాశాల ఆలేరు.

బ్యాడ్మింటన్: ప్రథమ బహుమతి రాహుల్ తేజ, ద్వితీయ బహుమతి రవికుమార్, తృతీయ బహుమతి పాల్.

పరుగు పందెం: ప్రథమ బహుమతి చండీశ్వర్, ద్వితీయ బహుమతి ఈశ్వర్, తృతీయ బహుమతి రవికుమార్.

బాలికల విభాగంలో విజేతలు

టగ్ ఆఫ్ వార్: ప్రథమ బహుమతి ప్రభుత్వ జూనియర్ కళాశాల, ద్వితీయ బహుమతి పీఎం శ్రీ జడ్పీహెచ్‌ఎస్ ఆలేరు.

బ్యాడ్మింటన్: ప్రథమ బహుమతి భార్గవి, ద్వితీయ బహుమతి భవాని, తృతీయ బహుమతి ఉమా.

పరుగు పందెం: ప్రథమ బహుమతి దీక్షిత, ద్వితీయ బహుమతి రేచల్, తృతీయ బహుమతి అంజలి.

క్రీడలు విద్యార్థుల్లో శారీరక దృఢత్వంతో పాటు క్రమశిక్షణ, ఐకమత్యం, గెలుపోటములను సమానంగా స్వీకరించే మనస్తత్వాన్ని పెంపొందిస్తాయని ఈ సందర్భంగా పలువురు పేర్కొన్నారు. యువతలో క్రీడా స్ఫూర్తిని (Sportsmanship) పెంపొందించేలా పోటీలు నిర్వహించిన ఫ్రెండ్స్ క్లబ్ సభ్యులను అభినందించారు.

మరిన్ని వార్తలు