రైతులకు అండగా సండ్ర.. పంట నష్టంపై ఆరా
కల్లూరు, నవంబర్ 05 (విజయక్రాంతి): మురుసు తుపాను ప్రభావంతో కురిసిన భారీ వర్షాలకు కల్లూరు మండలంలో దెబ్బతిన్న పంట పొలాలను సత్తుపల్లి మాజీ ఎమ్మెల్యే సండ్ర వెంకటవీరయ్య గురువారం పరిశీలించారు. చండ్రుపట్ల తదితర గ్రామాల్లో నీట మునిగిన వరి పొలాలను సందర్శించి రైతుల సమస్యలను అడిగి తెలుసుకున్నారు.
ఈ సందర్భంగా ఆయన మాట్లాడుతూ కోత దశకు చేరుకున్న వరి పంటలు వర్షాలకు నేలకొరిగి తీవ్రంగా నష్టపోయాయని, పత్తి పంటలు సైతం దెబ్బతిన్నాయని ఆవేదన వ్యక్తం చేశారు. వ్యవసాయ శాఖ అధికారులు (Agriculture Department) తక్షణమే క్షేత్రస్థాయిలో పర్యటించి సమగ్ర పంట నష్టం సర్వే (Crop Damage Survey) చేపట్టాలని కోరారు.
నష్టపోయిన ప్రతి రైతుకు అర్హత మేరకు పంట నష్ట పరిహారం (Crop Loss Compensation) అందించి ఆదుకోవాలని ప్రభుత్వాన్ని డిమాండ్ చేశారు. రైతులకు న్యాయం జరిగేలా అధికారులు వెంటనే చర్యలు తీసుకోవాలని సూచించారు.
ఈ కార్యక్రమంలో బీఆర్ఎస్ మండల అధ్యక్షుడు పాలెపు రామారావు, కట్టా అజయ్ కుమార్, డాక్టర్ లక్కినేని రఘు, ప్రజాప్రతినిధులు, కౌన్సిలర్లు, బీఆర్ఎస్ నాయకులు, కార్యకర్తలు పాల్గొన్నారు.
