అనిరుధ్-కావ్యలకు కవిత విషెస్
సంగీత దర్శకుడు అనిరుధ్ రవిచందర్, సన్రైజర్స్ హైదరాబాద్ యజమాని కావ్య మారన్ దంపతులకు తెలంగాణ జాగృతి అధ్యక్షురాలు కల్వకుంట్ల కవిత శుభాకాంక్షలు (Congratulations) తెలిపారు. ఈ మేరకు ఆమె సోషల్ మీడియా (Social Media) వేదికగా స్పందించారు. ‘‘అనిరుధ్, కావ్యలకు అభినందనలు. మీ జీవితంలో ఎంతో ప్రేమ, సంతోషం నిండాలని కోరుకుంటున్నాను’’ అంటూ ఎక్స్ (Twitter) వేదికగా పోస్ట్ చేశారు. కొత్త జీవితాన్ని ప్రారంభించిన ఈ జంటకు శుభాకాంక్షలు తెలియజేశారు.
కాగా, అనిరుధ్ రవిచందర్, కావ్య మారన్ నవంబర్ 11న గ్రీస్లో కుటుంబ సభ్యులు, సన్నిహితుల సమక్షంలో వివాహ బంధంతో ఒక్కటయ్యారు. అనంతరం నవంబర్ 21న చెన్నైలో ఘనంగా వివాహ రిసెప్షన్ (Wedding Reception) నిర్వహించారు. ఈ వేడుకకు సినీ, రాజకీయ, వ్యాపార రంగాలకు చెందిన పలువురు ప్రముఖులు హాజరయ్యారు. ఇప్పటికే ప్రధాని నరేంద్ర మోదీ, కాంగ్రెస్ అగ్రనేత సోనియా గాంధీ సహా పలువురు ప్రముఖులు ఈ జంటకు శుభాకాంక్షలు తెలిపారు. తాజాగా కవిత కూడా అభినందనలు తెలియజేశారు.