1. ఓ ఖరీదైన వివాహ వేడుకకు రూ.కోటి బిల్లులు చెల్లింపు
   

డ్రైవర్ చిరునామాను తనిఖీ చేయగా లభించని ఆచూకీ

ఆ ఖాతా బెట్టింగ్ నిర్వాహకులు ‘మ్యూల్’ ఖాతాగా గుర్తింపు

ఈ కేసులో ఈడీ లోతైన అధ్యయనం

న్యూఢిల్లీ, నవంబర్ 29: అక్రమ బెట్టింగ్ కార్యకలాపాలపై ఎన్‌ఫోర్స్‌మెంట్ డైరెక్టరేట్ (ఈడీ) ఉక్కుపాదం మోపుతున్నది. బెట్టింగ్ యాప్ నిర్వాహకుల ఆర్థిక లావాదేవీలు తేల్చే విషయంలో దూకుడుగా ముందుకెళ్తున్నది. ఆయా కేసుల్లో ఇప్పటికే ఈడీ మాజీ క్రికెటర్లు శిఖర్ ధావన్, సురేశ్ రైనాకు చెంది న కోట్ల విలువైన ఆస్తులను ఈడీ అటా చేసిన సంగతి తెలిసిందే. దీనిలో భాగంగానే ఈడీ తాజాగా ఓ ఆన్‌లైన్ బెట్టింగ్ నెట్‌వర్క్‌కు సంబంధించిన లావాదేవీలను పరిశీ లించింది. ఈ సోదాల్లో ఈడీ షాకింగ్ విష యం గుర్తించింది.

ఢిల్లీకి చెందిన ఒక రాపిడో బైక్- డ్రైవర్ బ్యాంక్ ఖాతాలో గడిచిన ఎనిమిది నెలల్లో (గతేడాది ఆగస్టు 19 నుంచి ఈ ఏడాది ఏప్రిల్ 16 వరకు) ఏకంగా రూ. 331.36 కోట్ల డిపాజిట్లను గుర్తించింది. డ్రైవర్ చిరునామాను గుర్తించి ఈడీ రంగంలోకి దిగింది. కానీ, సదరు చిరునామాలో ర్యాపిడో డ్రైవర్ ఆచూకీ లభించలేదు. ఆ డ్రైవర్ ఢిల్లీలోని అతిసాధారణమైన ప్రాం తంలోని రెండతస్తుల మిద్దెలో ఉంటున్నట్లు, కేవలం కుటుంబాన్ని పోషించుకునేందుకు బైక్ డ్రైవర్ పనిచేస్తున్నట్లు విచారణలో తేలింది. చివరకు ట్విస్ట్ ఏంటంటే..

సదరు రైడర్ బ్యాంకు ఖాతాను ఓ బెట్టింగ్ నిర్వాహకుడు తన ‘మ్యూల్’ ఖాతాగా వినియోగి స్తున్నట్లు తేలింది. అలాగే ఈడీ విచారణలో ఆ ఖాతాలో జమ అయిన సొమ్ము అనేక అనుమానాస్పద ఖాతాలకు బదిలీ అయినట్లు దర్యాప్తులో వెల్లడైంది. ఇదే డ్రైవర్ ఖాతాకు సంబంధించిన లావాదేవీల్లో మరో ఆసక్తికరమైన విషయం బయటపడింది.

ఆ ఖాతా నుంచి రాజస్థాన్‌లోని ఉదయ్‌పూర్‌లో జరిగిన ఒక ఆడంబర వివాహ మహోత్సవానికి రూ.కోటి వరకు బిల్లులు చెల్లించినట్లు ఈడీ గుర్తించింది. ఆ వేడుకకు గుజరాత్‌కు చెందిన ఒక యువ రాజకీయ నాయకుడితో సంబంధం ఉన్నట్లు ప్రాథమిక సమాచారం. ఈ కేసులో ఈడీ లోతైన అధ్యయనం చేస్తున్నది. గుజరాత్‌కు చెందిన ఆ యువనేత ఎవరు? అతడికి బెట్టింగ్ నిర్వాహకులకు ఏం సంబంధం? అని తేల్చేపనిలో నిమగ్నమైంది.