కర్ణాటకలో ముఖ్యమంత్రి సిద్ధరామయ్య, డిప్యూటీ సీఎం డీకే మధ్య కుదిరిన సయోధ్య

పోరుకు తాత్కాలిక బ్రేక్ 

ఫలించిన కాంగ్రెస్ అధిష్ఠాన బ్రేక్‌ఫాస్ట్ రాజకీయం

బెంగళూరు, నవంబర్ 29: కర్ణాటక ముఖ్యమంత్రి సిద్ధరామయ్య, ఉప ముఖ్యమంత్రి డీకే శివకుమార్ మధ్య నివురుగప్పిన నిప్పులా సాగుతున్న అధికార పోరుకు తా త్కాలికంగా తెరపడింది. కాంగ్రెస్ అధిష్ఠానం  ‘బ్రేక్‌ఫాస్ట్’ రాజకీయం ఫలించింది. సీఎం సిద్ధరామయ్య ఆహ్వానం మేర కు శనివారం ఉదయం బెంగళూరులోని సిద్ధరామయ్య ఇంటికి డీకే శివకుమార్  విచ్చేశారు.

ఇద్దరు నేతలు సుమారు గంటన్నరపాటు చర్చించారు. అనంతరం వారిద్దరూ బయట మీడియాతో మాట్లాడారు. తమ మ ధ్య ఎలాంటి భేదాభిప్రాయాలూ లేవని, ఇకపైనా ఉండబోవని స్పష్టం చేశారు. కాంగ్రెస్ అధిష్ఠానం ఎలాంటి నిర్ణయం తీసుకున్నా, దానికి కట్టుబడి ఉంటామని తేల్చిచెప్పారు. 

తమపై అసత్య ప్రచారం: సీఎం

కర్ణాటక సీఎం సిద్ధరామయ్య మాట్లాడుతూ.. ఏఐసీసీ కార్యదర్శి కేసీ వేణుగోపాల్ సూచనల మేరకు తాము బ్రేక్‌ఫాస్ట్ ్ట భేటీలో పాల్గొన్నామని.. తాము ఏ అంశంపైనా ప్రత్యేకంగా చర్చించలేదని తెలిపారు. నెల రోజులనుంచి గందరగోళానికి తెరదించేందుకే ఈ భేటీ జరిగిందని వివరించారు. పార్టీ అధిష్ఠానం మున్ముందు ఎలాంటి నిర్ణయం తీసుకున్నా, అది తనకు శిరోధార్యమని స్పష్టం చేశారు.

సీఎం మార్పుపై బీజేపీ, -జేడీఎస్ తమపై అసత్య ప్రచారాలు చేస్తున్నాయని మండిపడ్డారు. ప్రతిపక్షాల అసత్య ప్రచారాలను తాను, డీకే కలిసి ఎదుర్కొంటా మన్నారు. ప్రస్తుతం తాము 2028 అసెంబ్లీ ఎన్నికలు, స్థానిక ఎన్నికలపైనే దృష్టిసారించామని వివరించారు. రాష్ట్రంలో మళ్లీ కాంగ్రెస్‌ను అధికారంలోకి తీసుకొచ్చేందుకు పార్టీ నేతలు, ప్రజాప్రతనిధులు పనిచేస్తారని వివరించారు.

శిరోధార్యం: డిప్యూటీ సీఎం

కర్ణాటక ప్రజల మద్దతుతో కాంగ్రెస్ పార్టీ అధికారంలోకి వచ్చిందని, వారికిచ్చిన వాగ్దానం ప్రకారం తాను సీఎం సిద్ధరామయ్యతో కలిసి పనిచేస్తానని డిప్యూటీ సీఎం డీకే శివకుమార్ స్పష్టం చేశారు. తాను ఎప్పటికీ కాంగ్రెస్ పార్టీ సైనికుడినని, పార్టీకి తాను విశ్వాసపాత్రుడిగా కడవరకు పనిచేస్తానని వెల్లడించారు. హైకమాండ్ ఆదేశమే తనకు శిరోధార్యమని తేల్చిచెప్పారు. రాష్ట్రం ప్రస్తు తం తమ పార్టీ అనే సమస్యలు ఎదుర్కొంటోందని, వాటన్నింటిని సామరస్యంగా పరిష్కరించుకుంటామని తెలిపరు. 2028 అసెంబ్లీ ఎన్నికల్లో మళ్లీ పార్టీకి అధికారం తీసుకొచ్చే లక్ష్యంతో పనిచేస్తామన్నారు.

ఢిల్లీలో రాహుల్, ఖర్గే భేటీ

కర్ణాటకలో నెలకొన్న రాజకీయ సంక్షోభాన్ని పరిష్కరించేందుకు శనివారం ఏఐసీసీ చీఫ్ మల్లికార్జున ఖర్గే, పార్టీ అగ్రనేత రాహుల్‌గాంధీ పార్టీ అత్యున్నతస్థాయి సమావేశం నిర్వహించారు. అందుకు ఢిల్లీలోని ఖర్గే నివాసం వేదికైంది. భేటీలో ఆ రాష్ట్రంలో తీసుకోనున్న నిర్ణయాలపై సుదీర్ఘంగా చర్చించినట్లు తెలిసింది. అలాగే కర్ణాటక ప్రదేశ్ కాంగ్రెస్ కమిటీ (కేపీసీసీ) పదవుల కూర్పు, సీఎం మార్పు, డీకే శివకుమార్‌కు కీలక పదవుల అప్పగింత, మంత్రివర్గ పునర్వ్యస్థీకర ణపైనా చర్చించినట్లు సమాచారం.

ఒకటి, రెండు రోజుల్లో ఏఐసీసీ చీఫ్ తుది నిర్ణయం తీసుకోనున్నట్లు ఆ పార్టీ వర్గాలు భావిస్తున్నాయి. దాదాపు సిద్ధరామయ్యే పూర్తి కాలం సీఎంగా కొనసాగుతారని, తద్వారా అధిష్ఠానం తమ పార్టీలో అంతర్గత విభేదాలు లేవని, పార్టీ దృఢంగా, ఐకమత్యంగా ఉందనే సంకేతాలు ఇవ్వనుందని రాజకీయ విశ్లేషకులు అంచనా వేస్తున్నారు.