అమేథీ: ఉత్తరప్రదేశ్‌ రాష్ట్రం అమేథీలోని(Amethi) ఫుర్సత్‌గంజ్ ప్రాంతంలో 13 ఏళ్ల దళిత బాలికపై అత్యాచారం జరిగినట్లు పోలీసులు బుధవారం తెలిపారు. పోలీసుల కథనం ప్రకారం... డిసెంబర్ 30వ తేదీన ఆ మైనర్ బాలిక పొలానికి వెళ్లినప్పుడు ఈ సంఘటన జరిగింది. అదే గ్రామానికి చెందిన ఒక యువకుడు ఆమెను తన ట్యూబ్‌వెల్ వద్దకు లాక్కెళ్లి అత్యాచారం చేసి, ఈ విషయం ఎవరికైనా చెబితే చంపేస్తానని బెదిరించాడు. ఇంటికి వెళ్లిన ఆ బాలిక జరిగిన దారుణాన్ని తన తల్లికి వివరించింది. దాంతో ఆమె పోలీసులకు ఫిర్యాదు చేసింది. ఫుర్సత్‌గంజ్ పోలీస్ స్టేషన్ స్టేషన్ హౌస్ ఆఫీసర్ నంద్ హౌస్లా యాదవ్ మాట్లాడుతూ, నిందితుడిపై సంబంధిత సెక్షన్ల కింద ఎఫ్‌ఐఆర్ నమోదు చేసినట్లు తెలిపారు. నిందితుడిని అరెస్టు చేయడానికి అనేక పోలీసు బృందాలను ఏర్పాటు చేశామని, త్వరలోనే అతడిని పట్టుకుంటామని ఎస్హెచ్‌ఓ తెలిపారు.