బెజ్జూర్ (విజయక్రాంతి): సిర్పూర్ టి మండలంలోని ఇటిక్యాల పహాడ్ లో ఆదివారం పులి కనిపించడంతో గ్రామస్తులు భయాందోళనకు గురయ్యారు. ఈ ప్రాంతం పులులకు ఆవాస కేంద్రంగా మారిందని స్థానికులు తెలిపారు. సిర్పూర్ టి రేంజ్ అధికారి ప్రవీణ్ కుమార్ ఆదేశాల మేరకు, గ్రామాల్లో పులి కదలికలపై ప్రజలకు అవగాహన కల్పిస్తున్నట్లు మాకిడి ఫారెస్ట్ సెక్షన్ అధికారి వల్క మోహన్ రావు తెలిపారు. ప్రజలు బయటికి వెళ్లొద్దని సూచించారు.