ఎప్పటికీ మరచిపోలేని రోజది

25-11-2023 తేదీని ఎప్పటికీ మరచిపోలేనంటోంది దుషారా విజయన్. ఇటీవల విడుదలైన ‘రాయన్’ సినిమాలో సినిమాలో ధనుష్ చెల్లెలిగా నటించిన ఆమె, ఈ చిత్రంలోని తన నటనతో ప్రేక్షకులకు మరింత చేరువైంది. కాగా ఈ సినిమా సంగతులును నెమరు వేసుకుంటూ గతంలోకి వెళ్ళిన దుషారా.. “ఆ రోజున ధనుష్ మేనేజర్ నుంచి కాల్ వచ్చింది. ఆయన 50వ సినిమా కోసం సంప్రదించారు. మొత్తానికి ధనుష్‌ని కలుసుకున్నాను. ఆ అనుభూతి మాటల్లో చెప్పలేనిది. కట్ చేస్తే.. రాయన్ విడుదలై ఘన విజయం దిశగా దూసుకుపోతుంది. ఈ విజయం ఆయనదే అయినా నాదే అన్నట్టు అనిపిస్తుంది.

ఈ ప్రయాణంలో ఆయన నుంచి ఎంతో నేర్చుకున్నాను. ఆయన ప్రతి చర్య ఎంతో స్ఫూర్తినిచ్చింది. అసలైన మార్గదర్శిగా మీరు” అంటూ భావోద్వేగ భరితంగా సామాజిక మాధ్యమాల్లో పోస్ట్ పెట్టింది. ధనుష్ పుట్టిన రోజు సందర్భంగా ఈ కథనంతా గుర్త తెచ్చుకున్న దుషారా, ఆయనకు శుభాకాంక్షలు తెలిపింది. ‘సర్‌పట్టా’ సినిమాతో తన ప్రతిభని చాటిన దుషారా.. ‘వేట్టయాన్’, ‘వీర ధీర శూరన్’ సినిమాలతో ప్రేక్షకుల ముందుకు రానుంది.