నిర్మల్ (విజయక్రాంతి): జిల్లాలోని అన్ని ప్రభుత్వ పాఠశాలలో మే నెల 30న శుక్రవారం రోజున ఉదయం పోషకుల సమావేశాన్ని ఆయా పాఠశాలల ప్రధానోపాధ్యాయులు ఏర్పాటు చేయాలని జిల్లా ఇన్చార్జ్ విద్యాశాఖ అధికారి ముడారపు పరమేశ్వర్(Education Officer Mudarapu Parameshwar) తెలిపారు. ఈ సమావేశానికి పాఠశాలలో చదువుతున్న విద్యార్థుల తల్లిదండ్రులందరినీ ఆహ్వానించాలని సూచించారు. వారితో పాటు గ్రామపంచాయతీ, మున్సిపల్ వార్డులలోని యువతీ యువకులను, స్థానిక ప్రజాప్రతినిధులను, నాయకులను ఈ సమావేశానికి ఆహ్వానించాలని కోరారు. ఈ సమావేశంలో బడి బాట కార్యక్రమం, పాఠశాలలో విద్యార్థుల నమోదు పెంపుదల తదితర అంశాలపై చర్చించి తీసుకోవాల్సిన చర్యల కొరకు కార్యచరణ కార్యక్రమాన్ని రూపొందించుకోవాలని సూచించారు. ఈ సమావేశానికి పాఠశాలలోని ఉపాధ్యాయులందరూ కూడా తప్పనిసరిగా హాజరుకావాలని ఆయన ఆదేశించారు.