హైదరాబాద్: తెలంగాణ రాష్ట్రంలోని పలు ఆర్టీఏ కార్యాలయాల్లో గురువారం ఏసీబీ(Anti-Corruption Bureau) సోదాలు చేస్తోంది. ఆర్టీఏ కార్యాలయాల్లో ఏజెంట్లను ఏసీబీ అధికారులు తనిఖీ చేస్తున్నారు. 17 మంది ఏజెంట్లు అక్రమ దందాలు చేస్తున్నట్లు ఏసీబీ అధికారులు(ACB Raid) గుర్తించారు. ఆర్టీఏ ఏజెంట్ల నుంచి అధికారులు సమాచారాన్ని సేకరిస్తున్నారు. ఉప్పల్, తిరుమలగిరి, పెద్దపల్లిలో సోదాలు జరిగాయి. పెద్దపల్లి ఆర్టీఏ కార్యాలయంలో(RTA offices) ఏజెంట్లను అదుపులోకి తీసుకున్నారు. ఉప్పల్ ఆర్టీఏ కార్యాలయం వద్ద 10 మంది ఏజెంట్లను అదుపులోకి తీసుకున్నారు. తిరుమలగిరి ఆర్టీఏ ఆఫీసులో ఇద్దరు క్లర్కులు, 10 మంది ఏజెంట్లను ఏసీబీ అధికారులు అదుపులోకి తీసుకున్నట్లు ఏసీబీ అధికారులు వెల్లడించారు.