1. రిమాండ్‌కు తరలించిన పోలీసులు
2. మాజీ మావోయిస్టును చంపిన జక్కుల సంతోష్

రాజన్న సిరిసిల్ల, నవంబర్ 29 (విజయక్రాంతి): వేములవాడ పట్టణ పోలీస్ స్టేషన్ పరిధిలో మాజీ పీపుల్స్ వార్ గ్రూప్ దళ కమాండర్ బల్లెపు నరసయ్య @ సిద్దయ్య @ బాపిరెడ్డి హత్య కేసులో ప్రధాన నిందితుడు జక్కుల సంతోష్‌ని అరెస్ట్ రిమాండ్ చేసినట్లు వేములవాడ ఇన్‌చార్జి డీఎస్పీ నాగేంద్రచారి తెలిపారు. నర్సయ్య గతంలో పీపుల్స్ వార్ గ్రూప్‌లో దళ కమాండర్‌గా పనిచేసేవాడు.

1999లో వీర్నపల్లి బస్టాండ్ వద్ద నర్సయ్య, సహా దళ సభ్యులు వీర్నపల్లికి చెందిన అంజయ్యను పోలీస్ ఇన్‌ఫార్మర్‌గా భావించి కాల్చివేసిన ఘటనపై అప్పట్లో ఎల్లారెడ్డిపేట పోలీస్ స్టేషన్‌లో కేసు నమోదైంది.ఈఘటనపై అంజయ్య కుమారుడు జక్కుల సంతోష్ తన తండ్రిని చంపిన వ్యక్తి పై కక్ష పెంచుకున్నాడు.ఇటీవలి కాలంలో బల్లెపు నర్సయ్య ఒక యూట్యూబ్ ఛానల్‌కి ఇచ్చిన ఇంటర్వ్యూ చూసిన సంతోష్  బల్లె పు నర్సయ్యతో ఒక రిపోర్టర్‌గా పరిచయం పెంచుకొని ఇంటర్వ్యూ చేస్తానని నమ్మించి ఆగ్రహరం గ్రామానికి రావాలన్నాడు.

ఈ నెల27 న అగ్రహారం గ్రామానికి చేరుకోగా సంతోష్ ముందే సిద్ధం చేసుకున్న పథకం ప్రకారం నర్సయ్యను అక్కడికక్కడే హత్య చేశాడు. ఆధునిక సాంకేతికతతో విచారణ చేపట్టి శనివారం నిందితుడు జక్కుల సంతోష్‌ను అదు పులోకి తీసుకుని రిమాండ్‌కు తరలించినట్లు ఇన్‌చార్జి డీఎస్పీ నాగేంద్రచారి తెలిపారు. ఈ కేసును విజయవం తంగా ఛేదించిన సీఐ వీర ప్రసాద్, ఎస్‌ఐ రామ్మోహన్, పోలీస్ సిబ్బందిని డీఎస్పీ నాగేంద్రచారి అభినందించారు.