1. ‘రిబూటింగ్ ది రిపబ్లిక్’ అంశంపై ప్రసంగించేందుకు ఆహ్వానం
   

2న చెన్నులోని ఐటీసీ గ్రాండ్ చోళాలో నిర్వహణ

హైదరాబాద్, నవంబర్ 29 (విజయక్రాంతి) : బీఆర్‌ఎస్ వర్కింగ్ ప్రెసిడెంట్ కేటీ ఆర్‌కు శివ్ నాడార్ ఫౌండేషన్ ప్రతిష్టాత్మక సదస్సు ఇగ్నిషన్‌లో పాల్గొనడానికి ఆహ్వా నం అందింది. జర్నలిస్ట్ శోమా చౌదరి నిర్వహణలో డిసెంబర్ 2న సాయంత్రం 6:30 గంటలకు చెన్నులోని ఐటీసీ గ్రాండ్ చోళాలో ఈ సదస్సు జరగనుంది. దేశంలోని ప్రముఖ నాయకులు, ఆర్థికవేత్తలు, విధాన రూపకర్తలను ఒకే వేదికపైకి తీసుకొచ్చే ఈ ముఖ్య మైన వేదికపై కేటీఆర్ ప్రసంగించనున్నారు.

‘రిబూటింగ్ ది రిపబ్లిక్’ అనే శీర్షికన  జరిగే సెషన్‌లో కేటీఆర్ పాల్గొని భారతదేశం ఆర్థిక, రాజకీయాలపై సమగ్రంగా సంభాషిస్తారు. జాతీయ వృద్ధికి సాంకేతికత (టె క్నా లజీ) ఎలా వెన్నెముకగా పనిచేయాలి అనే అంశంపై ఆయన ప్రధానంగా దృష్టి సారించనున్నారు. దేశంలో నూతన ఆవిష్కరణల కేంద్రాలు (ఇన్నోవేషన్ హబ్‌లు), టెక్ కారిడార్ల పెరుగుదలను ప్రోత్సహించాల్సిన ప్రాముఖ్యతను కేటీఆర్ వివరించనున్నారు.

సమ్మిళిత ఆర్థికాభివృద్ధిని సాధించడానికి, అభివృద్ధి ఫలాలు అందరికీ అందేలా చూడటానికి ఒక కొత్త, సమగ్రమైన విధానాన్ని రూపొందించాల్సిన అవసరాన్ని తన ప్రసంగంలో ప్రస్తావించనున్నారు. దీంతోపాటు, జాతీయ రాజకీయాలపై తన దృక్కోణాలను పంచుకోవడానికి కేటీఆర్ ఈ వేదికను ఉపయోగించుకోనున్నారు. ఇగ్నిషన్ ప్లాట్‌ఫామ్ పబ్లిక్ పాలసీ, ఆర్థిక శాస్త్రం, సైన్స్ సాంకేతిక రంగాల నుంచి అగ్రశ్రేణి ఆలోచనాపరులను హోస్ట్ చేయడానికి పేరుగాంచింది.

కేటీఆర్ సెషన్ తర్వాత, కేంద్రప్రభుత్వ మాజీ ప్రధాన సలహాదారు అరవింద్ సుబ్రమణియన్, ప్రముఖ రాజకీయ శాస్త్రవేత్త దేవేష్ కపూర్ పాల్గొనను న్నారు. ఈ సదస్సు భారత్ భవిష్యత్‌పై లో తైన, నిర్మాణాత్మకమైన చర్చలను ప్రోత్సహించడమే లక్ష్యంగా పెట్టుకుంది.