calender_icon.png 1 December, 2025 | 2:47 AM

  • top-fb.png
  • top-tw.png
  • top-insta.png
  • top-yt.png

ఎన్నికల ప్రవర్తన నియమావళిని ప్రతి ఒక్కరూ తప్పక పాటించాలి

01-12-2025 02:13:30 AM

కలెక్టర్ తేజస్ నందలాల్ పవర్

సూర్యాపేట, నవంబర్ 30 (విజయక్రాంతి) :  ఎన్నికల ప్రవర్తన నియమావళిని ప్రతి ఒక్కరూ తప్పక పాటించాలని జిల్లా కలెక్టర్ తేజస్ నందలాల్ పవార్ అన్నారు. సూర్యాపేట మండలం ఇమాంపేట గ్రామపంచాయతీ కార్యాలయంలో ఏర్పాటు చేసిన నామినేషన్ కేంద్రాన్ని ఆదివారం సందర్శించి నామినేషన్ల స్క్రూటినీ ప్రక్రియను పరిశీలించి అధికారులకు పలు సూచనలు చేశారు. తదుపరి మునగాల, నడిగూడెం గ్రామపంచాయతీ కార్యాలయాల్లో ఏర్పాటు చేసిన రెండో విడత గ్రామపంచాయతీ సర్పంచులు, వార్డు మెంబర్ల ఎన్నికల నిమిత్తం నామినేషన్ స్వీకరణ కేంద్రాలను కలెక్టర్ పరిశీలించారు.

ఈ సందర్భంగా కలెక్టర్ మాట్లాడుతూ పెన్ పహాడ్, చివ్వేంల, మోతే, మునగాల, నడిగూడెం, కోదాడ, చిలుకూరు, అనంతగిరి మండలాల్లోని 181 గ్రామపంచాయతీలు, 1,628 వార్డు సభ్యుల కోసం నేటి నుంచి డిసెంబర్ 2వ తేదీ వరకు 49 నామినేషన్ కేంద్రాల్లో రెండో విడత నామినేషన్ల స్వీకరణ జరుగుతుందన్నారు. ఇందుకు అవసరమైన అన్ని ఏర్పాట్లను పూర్తి చేశామన్నారు.జిల్లాలో ఎన్నికలు పూర్తిగా పారదర్శకంగా, నిష్పక్షపాతంగా జరిగేలా అధికారులు, ప్రజాప్రతినిధులు, ప్రజలు సమన్వయంతో సహకరించాలని కోరారు.ఈ కార్యక్రమంలో ఆర్డీఓ సూర్యనారాయణ, ఎంపిడిఓలు, ఆర్‌ఓలు తదితరులు పాల్గొన్నారు.