మహబూబాబాద్, ఫిబ్రవరి 12 (విజయక్రాంతి): కాంగ్రెస్ రాష్ట్ర నాయకుడు వెన్నం శ్రీకాంత్ రెడ్డి, బిగ్ టీవీ ఛైర్మెన్ వెన్నం విజయ కాంత్ రెడ్డి తండ్రి వెన్నం రాఘవేందర్ రెడ్డి (80) మహబూబాబాద్ జిల్లా రెడ్యాల గ్రామంలో బుధవారం రాత్రి గుండెపోటుతో మరణించారు.

రాఘవేందర్ రెడ్డి మరణ వార్త తెలుసుకున్న మంత్రి సీతక్క, డోర్నకల్, మహబూబాబాద్ ఎమ్మెల్యేలు డాక్టర్ జాటోత్ రామచంద్రు నాయక్, డాక్టర్ భూక్యా మురళి నాయక్, ఎమ్మెల్సీ తక్కళ్లపల్లి రవీందర్రావు, మాజీ ఎంపీ మాలోత్ కవిత, మాజీ మంత్రి ఎర్రబెల్లి దయాకర్ రావు, మాజీ ఎ మ్మెల్యే శంకర్ నాయక్, మహబూబాబాద్ జిల్లాతో పాటు ఉమ్మడి వరంగల్ జిల్లాకు చెందిన రాజకీయ పక్షాల నేతలు, వివిధ సంఘాల నాయకులు, తదితరులు రెడ్యాలకు చేరుకొని చేరుకొని దివంగత రాఘవేందర్ రెడ్డి భౌతిక కాయంపై పుష్పగుచ్చం ఉంచి నివాళులర్పించారు. అ నంతరం శ్రీకాంత్ రెడ్డి, విజయ కాంత్ రెడ్డి లను పరామర్శించి ఓదార్చారు. స్వర్గీయ రాఘవేందర్ రెడ్డి భౌతిక కాయానికి గురువారం అంత్యక్రియలు నిర్వహించారు.