బాన్సువాడ (విజయక్రాంతి): కాంగ్రెస్ పార్టీ రాష్ట్ర నాయకులు, మాజీ డీసీసీబీ చైర్మన్ పొచారం భాస్కర్ రెడ్డి ఆధ్వర్యంలో నిజామాబాద్ జిల్లా బాన్సువాడ నియోజకవర్గ కాంగ్రెస్ కార్యాలయంలో శనివారం వర్ని మండలం కూనిపూర్ గ్రామానికి చెందిన పలువురు సీనియర్ బీజేపీ కార్యకర్తలు కాంగ్రెస్ పార్టీ లో చేరారు. ఈ కార్యక్రమంలో బీజేపీకి చెందిన వర్ని మండల ప్రముఖ నాయకులు శివ, నవీన్ రెడ్డి, సతీష్, దత్తు, మహేందర్ రెడ్డి, బాలు, ప్రవీణ్ గౌడ్, శేఖర్, గోవుర్ నరేష్ తదితరులు పోచారం భాస్కర్ రెడ్డి సమక్షంలో కాంగ్రెస్ కండువా కప్పుకున్నారు. పోచారం భాస్కర్ రెడ్డి మాట్లాడుతూ.. గ్రామీణాభివృద్ధి, ప్రజా సంక్షేమమే పార్టీ లక్ష్యమని, కాంగ్రెస్ పార్టీ బలోపేతానికి కొత్త నాయకుల రాక శక్తినిస్తుందని పేర్కొన్నారు. ఈ కార్యక్రమంలో పిసిసి డెలిగేట్ డాక్టర్ రాజారెడ్డి, సొసైటీ చైర్మన్ కృష్ణారెడ్డి, సర్పంచ్ అభ్యర్థి గిరి సాయిలు, జిల్లా యూత్ కాంగ్రెస్ ప్రధాన కార్యదర్శి కృష్ణరెడ్డి, వర్ని మండల ప్రజాప్రతినిధులు, నాయకులు పాల్గొన్నారు.