కవిత బెయిల్ పై చేసిన వ్యాఖ్యలపై సీఎం రేవంత్ రెడ్డి ట్వీట్

హైదరాబాద్: బీఆర్‌ఎస్‌ ఎమ్మెల్సీ కె.కవితకు బెయిల్‌ మంజూరుపై ముఖ్యమంత్రి రేవంత్‌రెడ్డి చేసిన వ్యాఖ్యలపై సుప్రీంకోర్టు ఆగ్రహం వ్యక్తం చేసిన మరుసటి రోజే, అలాంటి వ్యాఖ్యలు చేసినందుకు ముఖ్యమంత్రి విచారం వ్యక్తం చేశారు. కవిత బెయిల్ పై వ్యాఖ్యలపై ముఖ్యమంత్రి రేవంత్ రెడ్డి ట్వీట్ చేశారు. భారత న్యాయవ్యవస్థపై తనకు అత్యంత విశ్వాసం ఉందని చెప్పారు. తన వ్యాఖ్యల పట్ల బేషరతుగా విచారం వ్యక్తం చేస్తున్నానని పేర్కొన్నారు. తన వ్యాఖ్యలు న్యాయవ్యవస్థను ప్రశ్నిస్తున్నట్లు ఆపాదించారని సీఎం వెల్లడించారు. పత్రికల్లో వచ్చిన వార్తలపై సీఎం రేవంత్ రెడ్డి విచారం వ్యక్తం చేశారు. న్యాయ వ్యవస్థ స్వతంత్రత పట్ల తనకు అత్యంత నమ్మకం ఉందని ముఖ్యమంత్రి పునరుద్ఘాటించారు.