సీఎంఆర్ఎఫ్ చెక్కులు పంపిణీ

పాపన్నపేట: పేద, మధ్యతరగతి కుటుంబాలకు ఆపత్కాలంలో సీఎం రిలీఫ్ ఫండ్ ఓ వరమని, సీఎం సహాయ నిధితో పేద, మధ్య తరగతి ప్రజలకు ఎంతో మేలు చేకూరుతుందని కుర్తివాడ గ్రామ సర్పంచ్ చెట్టుకింది శ్రీధర్ పేర్కొన్నారు. సోమవారం గ్రామ పంచాయతీ కార్యాలయంలో గ్రామానికి చెందిన కొనింటి మంజుల రూ.20,500, భీమన్నోల్ల సంతోషి రూ.17,000 విలువైన సీఎంఆర్ఎఫ్ చెక్కులను కుటుంబ సభ్యులకు అందజేశారు. ఈ సందర్బంగా ఆయన మాట్లాడుతూ.. కాంగ్రెస్ ప్రభుత్వం పేదల కోసం పనిచేస్తుందన్నారు. మాజీ ఎంపీటీసీ రమేష్ గౌడ్, నాయకులు రాజేందర్, తదితరులు ఉన్నారు.