మొయినాబాద్, నవంబర్ 30 (విజయక్రాంతి): ఎవరో వస్తారో ఏదో చేస్తారని ఆశించకుండా.. కాలనీ అభివృద్ధి కోసం నడుం బిగించారు.  అధికారులు చుట్టు తిరిగి తిరిగి విసుగు చెంది  కాలనీ వాసులంతా కలిసి  డబ్బులు పోగేసుకొని కాలనీ అభివృద్ధికి పూనుకున్నారు. మొయినాబాద్ మున్సిపల్ పరిధిలోని మొయినాబాద్ వార్డు పరిధిలోని భరద్వాజ కాలనీలో కాలనీ వాసులు కలిసి అండర్ డ్రైనేజ్ కాలువల నిర్మాణానికి పూనుకున్నారు.

దాదాపు పది లక్షలు రూపాయలతో నిర్మిస్తున్న కాలువల నిర్మాణానికి ఆదివారం భూమి పూజ చేశారు.  ఎవరో వచ్చి ఏదో చేస్తారని కాకుండా మేమే అందరం ఏకతాటిపై ఉండి అభివృద్ధి పనులు చేసుకుంటున్నట్లు చెప్పారు. రూ. ఐదు లక్షలు కేవీఎంఆర్ శర్మ ఆర్ధిక సహాయం చేశారు.  కాలనీ అధ్యక్షుడు పీ.మల్లేష్, ఉపాధ్యక్షుడు సయ్యద్ సలీం, ప్రధాన కార్యదర్శి బీ.కుమార్, అదనపు కార్యదర్శి గఫర్, అకౌంటెంట్ కంచె నరసింహులు, జాంగిర్ కాలనీ వాసులు ఉన్నారు.